ԱՎՏՈՄՈԲԻԼԱՅԻՆ ՏՐԱՆՍՊՈՐՏՈՎ ՎՏԱՆԳԱՎՈՐ ԲԵՌՆԵՐԻ ՓՈԽԱԴՐՈՒՄՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ ԵՎ ԱՎՏՈՄՈԲԻԼԱՅԻՆ ՏՐԱՆՍՊՈՐՏՈՎ ՎՏԱՆԳԱՎՈՐ ԲԵՌՆԵՐԻ ՓՈԽԱԴՐՄԱՆ ԹՈՒՅԼՏՎՈՒԹՅՈՒՆՆԵՐԻ ՏՐԱՄԱԴՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Առաջարկում եմ ՀՀ կառավարության «Ավտոմոբիլային տրանսպորտով վտանգավոր բեռների փոխադրումներին ներկայացվող պահանջները և ավտոմոբիլային տրանսպորտով վտանգավոր բեռների փոխադրման թույլտվությունների տրամադրման կարգը սահմանելու մասին» որոշման նախագծով սահմանել նաև «Ավտոմոբիլային տրանսպորտով վտանգավոր բեռներ և չվնասազերծված տարաներ փոխադրելու մասին» Հայաստանի Հանրապետության օրենքի 7-րդ հոդվածի 1-ին մասի 4-րդ ենթակետի պահանջներին համապատասխան ավտոմոբիլային տրանսպորտով փոխադրվող վտանգավոր բեռների ցանկը, քանի որ նախագծով արդեն իսկ սահմանվում է վտանգավոր բեռների դասերը և ենթադասերը՝ ըստ բնութագրի և վտանգի աստիճանի։ Միաժամանակ կարծում եմ, որ որոշման նախագիծը շատ ավելի շուտ պետք է քննարկվեր և ընդունվեր, այն մշակվել և շրջանառվել է դեռևս 2012 թվականից։

Ռադիոակտիվ նյութեր կամ ռադիոակտիվ նյութեր պարունակող սարավորումների փոխադրումը համաձայն Լիցենզավորման մասին ՀՀ օրենքի լիցենզավորման ենթակա գործառույթ է, որը կարգավորվում է 2001 թվականի դեկտեմբերի 24-ի թիվ 1263-Ն "Միջուկային և ռադիոակտիվ նյութերի փոխադրման հատուկ կանոնները հաստատելու մասին" և 2002 թվականի հունիսի 27-ի թիվ 931-Ն "միջուկային և ռադիոակտիվ նյութերի անվտանգ փոխադրման կարգը հաստատելու մասին" ՀՀ կառավարության որոշումներով, ինչպես նաև Ատոմային էներգեիայի միջազգային գործակալության կողմից հրապարակված "Regulations for the Safe Transport of Radioactive Material" SSR-6 անվտանգության հատուկ պահանջներով։