ՎՏԱՆԳԱՎՈՐ ԲԵՌՆԵՐ ՓՈԽԱԴՐԵԼՈՒ ՈՐԱԿԱՎՈՐՄԱՆ ՔՆՆՈՒԹՅՈՒՆՆԵՐ ՀԱՆՁՆԵԼՈՒ ՊԱՀԱՆՋՆԵՐԸ, ՄԱՍՆԱԳԻՏԱԿԱՆ ՎԵՐԱՊԱՏՐԱՍՏՄԱՆ ՎԿԱՅԱԿԱՆԻ ՁԵՎԸ ԵՎ ՏՐՄԱՆ ԿԱՐԳԸ, ԱՆՎՏԱՆԳՈՒԹՅԱՆ ՄԱՍՆԱԳԵՏԻ ՄԱՍՆԱԳԻՏԱԿԱՆ ՎԵՐԱՊԱՏՐԱՍՏՄԱՆ ՎԿԱՅԱԿԱՆԻ ՁԵՎԸ ԵՎ ՏՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարության «Վտանգավոր բեռներ փոխադրելու մասնագիտական վերապատրաստման գործունեության կազմակերպման լիցենզավորման կարգը և լիցենզիայի ձևը հաստատելու մասին» և «Վտանգավոր բեռներ փոխադրելու որակավորման քննություններ հանձնելու պահանջները, մասնագիտական վերապատրաստման վկայականի ձևը և տրման կարգը, անվտանգության մասնագետի մասնագիտական վերապատրաստման վկայականի ձևը և տրման կարգը հաստատելու մասին» որոշումների նախագծերը մշակելուց և ընդունելուց առաջ անհրաժեշտ է «Ավտոմոբիլային տրանսպորտով վտանգավոր բեռներ և չվնասազերծված տարաներ փոխադրելու մասին» օրենքի 7-րդ հոդվածի 1-ին մասի 2-րդ, 3-րդ, 4-րդ և 10-րդ ենթակետերի պահանջներին համապատասխան սահմանել և հաստատել․ - ավտոմոբիլային տրանսպորտով վտանգավոր բեռների փոխադրման թույլտվությունների տրամադրման կարգը. - ավտոմոբիլային տրանսպորտով վտանգավոր բեռների փոխադրումներին ներկայացվող պահանջները. - ավտոմոբիլային տրանսպորտով փոխադրվող վտանգավոր բեռների ցանկը. - հաստատում է վտանգավոր բեռներ փոխադրող տրանսպորտային միջոցի հաստատման վկայականի ձևը և տրման կարգը։ Վերոնշայլները հանդիսանում են ավտոմոբիլային տրանսպորտով վտանգավոր բեռներ և չվնասազերծված տարաների անվտանգ փոխադրումներ կազմակերպելու և իրականացնելու հիմնաքարային որոշումները։ Ներկայացված նախագծերը ինքնանպատակ են, մշակողները չեն հասկանում առաջնահերթությունները, ինչպես նաև որ առանց վերը նշված որոշումների ընդունման հնարավոր չէ իրականացնել վտանգավոր բեռներ փոխադրելու մասնագիտական վերապատրաստման գործունեության կազմակերպման լիցենզավորում և սահմանել վտանգավոր բեռներ փոխադրելու որակավորման քննություններ հանձնելու պահանջները, կամ իրականացնել անվտանգության մասնագետի մասնագիտական վերապատրաստում։ Ինչի հիման վրա պետք է մշակվեն ուսումնական ծրագրերը կամ անցկացվեն քննություններ։