«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՀՈՒՆՎԱՐԻ 23-Ի N 174-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

ՀԻՄՆԱՎՈՐՈՒՄ

«Հայաստանի Հանրապետության կառավարության 2003 թվականի

հունվարի 23-ի N 174-Ն որոշումն ուժը կորցրած ճանաչելու մասին» ՀՀ կառավարության որոշման նախագծի վերաբերյալ

1․ Ընթացիկ իրավիճակը և իրավական ակտի ընդունման անհրաժեշտությունը․

ՀՀ կառավարության 2003 թվականի հունվարի 23-ի N 174-Ն որոշմամբ սահմանվում է ոստիկանության ծառայողի վերապատրաստում անցնելու կարգը և պայմանները։

2022 թվականի դեկտեմբերի 16-ին ընդունված «Ոստիկանությունում ծառայության մասին» օրենքում լրացումներ և փոփոխություններ կատարելու մասին» ՀՕ-461-Ն օրենքի 15-րդ հոդվածի համաձայն՝ «Ոստիկանությունում ծառայության մասին» օրենքի (այսուհետ՝ Օրենք) 16-րդ հոդվածի 4-րդ մասում «Կառավարությունը» բառը փոխարինվել է «Լիազոր մարմնի ղեկավարը» բառերով։ Վերը նշված փոփոխության արդյունքում քննարկվող որոշման համար լիազորող նորմ նախատեսող՝ Օրենքի 16-րդ հոդվածի 4-րդ մասով ամրագրված լիազորությունը վերապահվել է Ներքին գործերի նախարարին։ Ուստի, անհրաժեշտություն է առաջացել ուժը կորցրած ճանաչել ՀՀ կառավարության 2003 հունվարի 23-ի «Ոստիկանության ծառայողի վերապատրաստում անցնելու կարգը և պայմանները հաստատելու մասին» N 174-Ն որոշումը։

2․ Առաջարկվող կարգավորման բնույթը․

Առաջարկվում է ուժը կորցրած ճանաչել ՀՀ կառավարության 2003 թվականի հունվարի 23-ի N 174-Ն որոշումը և ՀՀ ներքին գործերի նախարարի հրամանով սահմանել ոստիկանության ծառայողների վերապատրաստում անցնելու կարգը և պայմանները:

3․ Կապը ռազմավարական փաստաթղթերի հետ․

Նախագծի ընդունումը չի բխում ռազմավարական փաստաթղթերից։

4․ Լրացուցիչ ֆինանսական միջոցների անհրաժեշտությունը և պետական բյուջեի եկամուտներում և ծախսերում սպասվելիք փոփոխությունները․

Նախագծի ընդունման դեպքում Հայաստանի Հանրապետության պետական բյուջեի եկամուտների և ծախսերի մասով փոփոխություններ չեն առաջանա։

5․ Նախագծի մշակման գործընթացում ներգրավված ինստիտուտները և անձինք․

Նախագիծը մշակվել է ՀՀ ներքին գործերի նախարարության կողմից:

6․ Ակնկալվող արդյունքը․

Նախագծի ընդունմամբ ակնկալվում է գործող իրավական կարգավորումները համապատասխանեցնել Օրենքով սահմանված պահանջներին և ՀՀ ՆԳՆ ոստիկանության ծառայողների վերապատրաստում անցնելու կարգը և պայմանները սահմանել ՀՀ ներքին գործերի նախարարի հրամանով:

ՀՀ ներքին գործերի նախարարություն