«ՄՇԱԿՈՒԹԱՅԻՆ ՕՐԵՆՍԴՐՈՒԹՅԱՆ ՀԻՄՈՒՆՔՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմնավորում
«Մշակութային օրենսդրության հիմունքների մասին» Հայաստանի Հանրապետության
օրենքումում լրացվող հոդվածի վերաբերյալ
Նախագծում առաջարկվել է` հոդված 6-ի «Մշակութային արժեքներ» պարբերության մեջ «մշակութային ժառանգության առարկաներ (օբյեկտներ)» բառերից հետո ավելացնել «պատմամշակութային առումով եզակի տարածքներ»: Նման լրացումը թույլ կտա մշակութային ժառանգության առարկաների (օբյեկտների) պետական ցուցակները կազմելիս (ինչը, նույն օրենքի հոդված 22-ի համաձայն` լիազորված պետական մարմնի իրավասությունն ու պարտականությունն է) առավել ամբողջական ու տեղայնացված մոտեցում ունենալ եւ այդ ցուցակում ընդգրկել, օրինակ, Գառնու Ժայռերի սիմֆոնիայի կամ Սյունիքի Զորաց քարերի նման տարածքներ:
Նույն հոդվածում «Մշակույթ» պարբերության մեջ «արտահայտությունը» բառից հետո առաջարկվել է ավելացնել` «բնության նկատմամբ մարդու վերաբերմունքը» բառերը, քանի որ այսօր աշխարհում ընդհանուր մշակույթի կարեւորագույն գումարելին` էկոլոգիական մշակույթը, դիտվում է որպես ոչ թե մշակույթի մեկ առանձին ուղղություն կամ դիտանկյուն, այլ մշակույթի նոր որակ, ամբողջական աշխարհի` գործնական ու ինտելեկտուալ-հոգեւոր, ընկալումից բխող արտացոլում:
-
Քննարկվել է
19.10.2017 - 03.11.2017
-
Տեսակ
Օրենք
-
Ոլորտ
Մշակութային
-
Գերատեսչություն
ՀՀ Ազգային ժողով
-
Կարգավիճակ
Դիտումներ` 13440
Տպել