««Պետական տուրքի մասին» Հայաստանի Հանրապետության օրենքում փոփոխություն կատարելու մասին» Հայաստանի Հանրապետության օրենքի

ՀՀ Եվրասիական տնտեսական միությանն (այսուհետ՝ ԵՏՄ) անդամակցությամբ պայմանավորված՝ անհրաժեշտ է ապահովել ներպետական և ԵՏՄ օրենսդրության ընթացիկ ներդաշնակեցումը՝ սահմանված կարգով տեղայնացնելով և դրանք արտացոլելով գործող իրավակարգավորումներում:

Այս բնագավառում Հայաստանի Հանրապետությունը շարունակում է կատարել իր ստանձնած միջազգային պարտավորությունները, որոնք բխում են «Օզոնային շերտի պահպանության մասին» Վիեննայի կոնվենցիայից և «Օզոնային շերտը քայքայող նյութերի մասին» Մոնրեալի արձանագրությունից, ինչպես նաև ԵՏՄ իրավակարգավորումներից, որոնք միտված են տնտեսական գործունեության պետական կարգավորման արդյունավետության բարձրացման, գործարար միջավայրի, պետության կողմից քաղաքացիներին մատուցվող ծառայությունների բարելավման ու պարզեցման, գործող նորմատիվ իրավական ակտերի կատարելագործման ու ներդաշնակեցման քաղաքականության իրականացմանը:  Սրանով էլ պայմանավորված՝ անհրաժեշտ է ապահովել ոլորտի նոր իրավակարգավորումների կենսագործումը: