«Հայաստանի Հանրապետության կառավարության 2022 թվականի դեկտեմբերի 1-ի N 1872-Ն որոշումն ուժը կորցրած ճանաչելու մասին» Հայաստանի Հանրապետության կառավարության որոշման նախագիծ

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2022 ԹՎԱԿԱՆԻ ԴԵԿՏԵՄԲԵՐԻ 1-Ի N 1872-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

1. Անհրաժեշտությունը․

«Հայաստանի Հանրապետության կառավարության 2022 թվականի դեկտեմբերի 1-ի N 1872-Ն որոշումն ուժը կորցրած ճանաչելու մասին» Հայաստանի Հանրապետության կառավարության որոշման ընդունման անհրաժեշտությունը պայմանավորված է նույն որոշման ընդունման համար հիմք հանդիսացող ԵՏՀ խորհրդի 2022 թվականի օգոստոսի 19-ի «Եվրասիական տնտեսական հանձնաժողովի 2011 թվականի դեկտեմբերի 9-ի «Անվավոր տրանսպորտային միջոցների անվտանգության մասին» տեխնիկական կանոնակարգը հաստատելու մասին» N 877 որոշման մեջ փոփոխություն կատարելու մասին» N 120 որոշման գործողության ժամկետով (մինչև 2024 թվականի փետրվարի 1-ը), ինչը նշված է որոշման 2-րդ կետում։

Հաշվի առնելով, որ ԵՏՀ խորհրդի 2022 թվականի օգոստոսի 19-ի N 120 որոշման գործողության ժամկետը լրացել է և ներկայումս այն չի գործում, Հայաստանի Հանրապետության Էկոնոմիկայի նախարարությունը նպատակահարմար է գտնում Հայաստանի Հանրապետության կառավարության 2022 թվականի դեկտեմբերի 1-ի N 1872-Ն որոշումն ուժը կորցրած ճանաչել։

2. Առաջարկվող կարգավորումների բնույթը․

Հաշվի առնելով, որ Հայաստանի Հանրապետության կառավարության 2022 թվականի դեկտեմբերի 1-ի N 1872-Ն որոշման համար հիմք հանդիսացող ԵՏՀ խորհրդի 2022 թվականի օգոստոսի 19-ի N 120 որոշումը ներկայումս չի գործում, Հայաստանի Հանրապետության էկոնոմիկայի նախարարությունը գրությամբ դիմել է Հայաստանի Հանրապետության արդարադատության նախարարությանը՝ Հայաստանի Հանրապետության իրավական տեղեկատվական համակարգում Հայաստանի Հանրապետության կառավարության 2022 թվականի դեկտեմբերի 1-ի N 1872-Ն որոշման կարգավիճակը փոխելու (այսինքն սահմանել որպես «Չի գործում») խնդրանքով։

Հիմք ընդունելով Հայաստանի Հանրապետության արդարադատության նախարարությունից ստացված դիրքորոշումն առ այն, որ «Հայաստանի Հանրապետության կառավարության 2022 թվականի դեկտեմբերի 1-ի N 1872-Ն որոշման կարգավիճակի փոփոխությունը հնարավոր է կատարել միայն այն ընդունող մարմնի կողմից՝ վերը նշված ուժը կորցրած ճանաչելու մասին ՀՀ կառավարության համապատասխան որոշման առկայության դեպքում։», անհրաժեշտ է ընդունել սույն որոշումը։

3․ Առկա խնդիրների առաջարկվող լուծումները.

Վերոգրյալ առկա խնդիրների լուծման նպատակով անհրաժեշտ է ընդունել «Հայաստանի Հանրապետության կառավարության 2022 թվականի դեկտեմբերի 1-ի N 1872-Ն որոշումն ուժը կորցրած ճանաչելու մասին» Հայաստանի Հանրապետության կառավարության որոշումը։

4․ Կարգավորման առարկան.

Նախագծի կարգավորման առարկան առկա դրույթի կիրառումն ապահովվելն է։

5․ Նախագծի մշակման գործընթացում ներգրավված ինստիտուտները և անձինք.

Նախագիծը մշակվել է ՀՀ էկոնոմիկայի նախարարության կողմից:

6․ Այլ տեղեկություններ․

Նախագծի ընդունման կապակցությամբ Հայաստանի Հանրապետության պետական բյուջեի եկամուտների էական նվազեցում կամ ծախսերի ավելացում չի առաջանում։

7․ Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ.

Ներկայացվող նախագիծը բխում է Հայաստանի Հանրապետության կառավարության 2021թ. նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների ծրագիրը հաստատելու մասին» N 1902-Լ որոշման 11-րդ «Որակի ենթակառուցվածքի համակարգի զարգացում» կետի՝ մասնավորապես 11․4-րդ ենթակետի «2023-2026թթ․ մարդու առողջության և անվտանգության, շրջակա միջավայրի պահպանություն՝ ըստ անհրաժեշտության նոր տեխնիկական կանոնակարգեր մշակելու, ինչպես նաև գործող տեխնիկական կանոնակարգերում ըստ անհրաժեշտության փոփոխություններ կատարելու միջոցով» դրույթից։