«ԴԻՎԱՆԱԳԻՏԱԿԱՆ ԾԱՌԱՅՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ ՕՐԵՆՔ
Նախագիծ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2026 թվականի ․․․ի ․․․-ին
«ԴԻՎԱՆԱԳԻՏԱԿԱՆ ԾԱՌԱՅՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1․ «Դիվանագիտական ծառայության մասին» 2001 թվականի հոկտեմբերի 24-ի ՀՕ-249-Ն օրենքի (այսուհետ՝ Օրենք) 48-րդ հոդվածը լրացնել հետևյալ բովանդակությամբ նոր նախադասությունով․ «Դիվանագիտական անձնագրի օգտագործման նպատակը, դիվանագիտական անձնագիրը տրամադրելու, տրամադրումը մերժելու, անվավեր ճանաչելու, ուժը կորցնելու, վավերականության և այլ հարաբերությունները կարգավորվում են օրենքով։»։
Հոդված 2․ Օրենքի 50-րդ հոդվածը ճանաչել ուժը կորցրած։
Հոդված 3․ Օրենքը լրացնել հետևյալ բովանդակությամբ 501-րդ հոդվածով․
«Հոդված 501․ Օտարերկրյա դիվանագետի նույնականացման քարտը
Օտարերկրյա դիվանագիտական ներկայացուցիչներին և նրանց ընտանիքների անդամներին՝ ամուսնուն և մինչև 21 տարեկան չամուսնացած և խնամքի տակ գտնվող զավակներին՝ օտարերկրյա պետության դիվանագիտական ներկայացուցիչների հետ Հայաստանի Հանրապետություն ժամանենելու դեպքում, միգրացիայի և քաղաքացիության բնագավառում պետական կառավարման լիազոր մարմինը տրամադրում է օտարերկրյա դիվանագետի նույնականացման քարտ։ Օտարերկրյա դիվանագետի նույնականացման քարտի օգտագործման նպատակը, օտարերկրյա դիվանագետի նույնականացման քարտը տրամադրելու, տրամադրումը մերժելու, անվավեր ճանաչելու, ուժը կորցնելու, վավերականության և այլ հարաբերությունները կարգավորվում են օրենքով։»։
Հոդված 4․ Սույն օրենքն ուժի մեջ է մտնում 2026 թվականի հոկտեմբերի 1-ից։
|
Հանրապետության նախագահ |
Վ. Խաչատուրյան |
|
2026 թ. ․․․ի ․․․ Երևան ՀՕ-․․․-Ն |
-
Duration
27.02.2026 14.03.2026 -
Type
Law
-
Area
Migration and citizenship
-
Ministry
Ministry of Internal Affairs
-
Status
Views 281
Print
Leave a suggestion
You can leave a comment on the webpage only after signing and logging into account.
Your comment will be published within 2 working days after confirmation by the site administrator.
Suggested proposals can be found in Summary section.