25.11.2025
ՀՀ կառավարությանն առաջարկվում է ընդունել «Կրթության և գիտության բնագավառներում նշանակալի նվաճումներ ունեցող քաղաքացիներին շարքային կազմի պարտադիր զինվորական ծառայության 2025 թվականի ձմեռային զորակոչից տարկետում տալու մասին» որոշման նախագիծը։
Նախագծի ընդունումը նպատակ ունի ապահովել գիտության և կրթության ոլորտներում բարձր արդյունքներ ցուցաբերած քաղաքացիների կրթության անընդհատությունն ու շարունակականությունը, ինչը կնպաստի Հայաստանի Հանրապետության գիտական ներուժի պահպանմանը և զարգացմանը։
Տարկետման տրամադրումը նախատեսվում է այն քաղաքացիների համար, ովքեր ունեն նշանակալի նվաճումներ՝ մասնավորապես․
- Միջազգային առարկայական օլիմպիադաներում մեդալներ (ոսկե, արծաթե, բրոնզե),
- Հանրապետական օլիմպիադաներում բարձրագույն արդյունքներ,
- Մագիստրատուրայի և ասպիրանտուրայի դեպքում՝ բարձր միջին գնահատական և միջազգային հեղինակավոր գիտական շտեմարաններում հրապարակված հոդվածներ։
Նախագծի իրականացումը կնպաստի կրթության և գիտության ոլորտների մրցունակության բարձրացմանը, երիտասարդ գիտնականների և տաղանդավոր ուսանողների ներուժի արդյունավետ օգտագործմանը, ինչպես նաև կխթանի Հայաստանի Հանրապետության գիտական և կրթական համակարգերի զարգացումը։«Կրթության և գիտության բնագավառներում նշանակալի նվաճումներ ունեցող քաղաքացիներին շարքային կազմի պարտադիր զինվորական ծառայության 2025 թվականի ձմեռային զորակոչից տարկետում տալու մասին» ՀՀ կառավարության որոշման նախագծի ընդունման անհրաժեշտությունը պայմանավորված է գիտության և կրթության ոլորտներում բարձր արդյունքներ ցուցաբերած քաղաքացիների կրթության անընդհատությունն ու շարունակականությունը ապահովելու նպատակով։
Նախագիծը նպատակ ունի ստեղծել պայմաններ, որոնք հնարավորություն կտան այդ քաղաքացիներին շարունակել իրենց ուսումնառությունը բակալավրի, մագիստրատուրայի կամ ասպիրանտուրայի կրթական ծրագրերում՝ առանց պարտադիր զինվորական ծառայության ընդհատման։ Սա կարևոր է ոչ միայն անհատական մասնագիտական զարգացման, այլև երկրի գիտական ներուժի պահպանման և զարգացման տեսանկյունից։
Տարկետման տրամադրումը նախատեսվում է այն քաղաքացիների համար, ովքեր ունեն նշանակալի նվաճումներ՝ մասնավորապես միջազգային առարկայական օլիմպիադաներում մեդալներ, հանրապետական օլիմպիադաներում բարձրագույն արդյունքներ, ինչպես նաև գիտական հրապարակումներ միջազգային հեղինակավոր շտեմարաններում։
Նախագծի ընդունումը կնպաստի Հայաստանի Հանրապետության կրթական և գիտական համակարգի մրցունակության բարձրացմանը, երիտասարդ գիտնականների և տաղանդավոր ուսանողների ներուժի արդյունավետ օգտագործմանը, ինչպես նաև կխթանի գիտության և կրթության ոլորտների զարգացումը։
Leave a suggestion
You can leave a comment on the webpage only after signing and logging into account.
Your comment will be published within 2 working days after confirmation by the site administrator.
Suggested proposals can be found in Summary section.