Նախագծով առաջարկվող լրացումները միտված են կարգավորելու այն իրավահարաբերությունները, որոնք առաջանում են այն դեպքերում, երբ գործող կարգով սահմանված ժամկետներում առնվազն երկու անգամ հայտարարված մրցույթը չի ապահովում նվազագույն շեմը հաղթահարած որևէ հայտ, ապա հանրակրթական ուսումնական հաստատություններում ուսուցանվող «Օտար լեզու» առարկայի դասագրքերը կարող են ստեղծվել տվյալ օտար լեզուն որպես պետական լեզու ունեցող երկրի՝ Հայաստանի Հանրապետությունում գործող դեսպանատան աջակցությամբ՝ կողմերի միջև կնքված համագործակցության համաձայնագրի կամ հուշագրի շրջանակներում։
Discussed
18.11.2025 - 03.12.2025
Type
Order
Area
Education and science
Ministry
Ministry of Education, Science, Culture and Sport
Status
Views 595
Print25.11.2025
Կրթության ոլորտում տեղի ունեցող նույնիսկ աննշան բարեփոխման կողմնակից եմ։ Վերոնշյալ նախագիծը ուժի մեջ մտցնելիս ուրախ կլինեմ հաշվի առնվի առաջարկս։ Առաջարկում եմ օտար լեզվի դասագրքերում զգալի չափով ընդգրկել քերականական առաջադրանքներ, ինչպես նաև ապահովել դրանց բազմաբնույթ լինելը, ինչը կնպաստի սովորողների գրավոր խոսքի զարգացմանն ու հարստացմանը։
25.11.2025
Ողջունում եմ նախագիծը բովանդակային առումով։ Գնահատում եմ կրթության ոլորտուն կտարվող արժեքավոր փոփոխությունները, որոնք միտված են կրթության որակի բարելավմանը։ Նախագծի շրջանակում առաջարկում եմ օտար լեզվի դպրոցական դասագրքի կազման գործընթացում առավել կարևորել տվյալ պահին դպրոցում դասավանդող ուսուցիչների ներգրավվածությունը։
21.11.2025
Նախագիծը շատ դրական նշանակություն կունենա նոր որակի դասագրքեր ունենալու գործում՝ կարևորելով դասագրքերի մշակման հարցում օտարազգի մասնագետների գիտելիքներն ու փորձառությունը։ Առաջարկում եմ նախագծով սահմանել նաև նույն մասնագիտական խմբի կողմից դասագրքերից օգտվելու ուսումնամեթոդական ձեռնարկի և ուսումնաօժանդակ նյութերի մշակման գործընթացի սահմանում, որը կապահովվի նոր դասգրքերի ճիշտ և գրագետ օգտագործումը՝ նվազեցնելով դասագրքից ոչ արդյունավետ օգտվելու ռիսկերը։ Միաժամանակ առաջարկում եմ նաև գործընթացի շարունակականության ապահովման նպատակով իրականացնել ուսուցիչների վերապատրաստման գործընթաց։
