«ՊԵՏԱԿԱՆ ՆՊԱՍՏՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ ՀՀ ՕՐԵՆՔԻ ՆԱԽԱԳԻԾ
The summary includes all the content proposals presented in the draft, online written within 2 working days,sent by e-mail within 10 working days
| No | Suggesion author, date of receipt | Status | Suggestion content | Attached files | Conclusion | Article |
|---|---|---|---|---|---|---|
| 1 | 2 | 3 | 4 | 5 | 6 | |
| 1 | Ա․Դ․Սախարովի անվան մարդու իրավունքների պաշտպանության հայկական կենտրոն ՀԿ 17.11.2025 14:09:30 | Նախագծի 2-րդ և 11-րդ հոդվածներով առաջարկվում է ուժը կորցրած ճանաչել «Պետական նպաստների մասին» ՀՀ օրենքի (այսուհետև՝ Օրենք) 5-րդ հոդվածի 1-ին մասի 11-րդ կետը և օրենքի 8․1 գլուխը (լրաց. 04.03.20 ՀՕ-137-Ն), որոնք վերաբերում են խնամակալության նպաստի համակարգում հաշվառված տասնչորս տարին չլրացած անչափահասների նկատմամբ խնամակալ նշանակված անձանց «Խնամակալության նպաստ» ստանալու իրավունքին։ Օրենքի 36.1-րդ հոդվածի 1-ին մասի համաձայն՝ խնամակալ նշանակված անձին խնամակալության նպաստի համակարգում հաշվառելու համար ՀՀ կառավարության կողմից պետք է սահմանվեին չափորոշիչներ։ Հետևապես խնամակալության նպաստի իրական կիրառումն ու տրամադրումը կախված էր ՀՀ կառավարության կողմից ենթաօրենսդրական ակտի ընդունումից, որն առ այսօր չի ընդունվել։ Հարկ է նշել, որ Նախագծի հիմնավորման մեջ բացակայում է «խնամակալության նպաստը» որպես պետական նպաստի տեսակ ուժը կորցրած ճանաչելու վերաբերյալ հիմնավորումը, մինչդեռ իրավակիրառման բացերի պատճառով, առանց հիմնավորման դրանց ուժը կորցրած ճանաչելը խնդիրը չի լուծում, այլ խորացնում է խնամակալության տակ գտնվող երեխաների սոցիալ-տնտեսական երաշխիքների ապահովումը։ Խնամակալության նպաստի սահմանումը բխում է երեխայի իրավունքների պաշտպանության պետական քաղաքականության նպատակներից, իսկ այդ համակարգի վերացնելը կարող է հանգեցնել երեխայի լավագույն շահերի վնասմանը։ |
Առաջարկը չի ընդունվել։ |
|||
| 2 | Ա․Դ․Սախարովի անվան մարդու իրավունքների պաշտպանության հայկական կենտրոն ՀԿ 17.11.2025 14:09:30 | Առաջարկում ենք Նախագծի 2-րդ հոդվածից հանել «իսկ 1-ին մասի 11-րդ կետն ուժը կորցրած ճանաչել» և 11-րդ հոդվածում «Օրենքի 8.1 գլուխն ուժը կորցրած ճանաչել» ձևակերպումները, կամ որպես այլընտրանք՝ մշակել տասնչորս տարին չլրացած անչափահասների նկատմամբ խնամակալ նշանակված անձանց համար սոցիալական աջակցության հստակ, կիրառելի և ենթաօրենսդրական ակտով սահմանված չափորոշիչներ, որոնց միջոցով հնարավոր կլինի ապահովվել երեխայի լավագույն շահը և խնամակալի կողմից այս կարևոր գործառույթի պատշաճ իրականացումը։ |
Առաջարկը չի ընդունվել։ |
|||
| 3 | առաջարկը ներկայացվել է էլ․ փոստով 21.11.2025 16:05:21 | Միայնակ կանանց շրջանում ծնլիությունը խթանելու նպատակով, այս խմբի կանանց առաջի կամ գոնե երկրորդ երախայի նպաստը նույնպես դարձնել 50000 դրամ մինչև 18 տարեկանը։ |
Հարկ է նկատի ունենալ, որ ՀՀ օրենսդրությամբ «միայնակ մայր» եզրույթ նախատեսված չէ։ Սոցիալական խոցելիության հաղթահարմանն ուղղված միջոցառումները նպատակահարմար է դիտարկել ընտանիքների անապահովության գնահատման համակարգում՝ անապահովության նպաստի տեսքով: Միաժամանակ, նախագծով նախատեսվում է երեխայի ծննդյան միանվագ նպաստի չափի համահարթեցում՝ անկախ ընտանիքում ծնված երեխաների հերթական կարգաթվից: Նպաստի չափը նախատեսվում է սահմանել 500 հազար դրամ: Հաշվի առնելով, որ ներկայումս ընտանիքում նոր ծնված առաջին և երկրորդ երեխաների ծննդյան կապակցությամբ տրվող միանվագ նպաստի չափը սահմանված է 300 հազար դրամ, նախագծի ընդունումից հետո (այս դրույթի դեպքում կկիրառվի 2026 թվականի սեպտեմբերի 1-ին և դրանից հետո ծնված երեխաների համար) առաջին և երկրորդ երեխաների նպաստի չափը կաճի:
|
