«Հայաստանի Հանրապետության կրթության և գիտության նախարարի 2010 թվականի նոյեմբերի 24-ի N 1640-Ն հրամանում լրացումներ կատարելու մասին» Հայաստանի Հանրապետության կրթության, գիտության, մշակույթի և սպորտի նախարարի հրամանի նախագիծը
The summary includes all the content proposals presented in the draft, online written within 2 working days,sent by e-mail within 10 working days
| No | Suggesion author, date of receipt | Status | Suggestion content | Attached files | Conclusion | Article |
|---|---|---|---|---|---|---|
| 1 | 2 | 3 | 4 | 5 | 6 | |
| 26 | Աննա Վարդանյան 12.11.2025 18:06:47 | 1. Հստակեցնել 19.2 կետի Նախագծի ձևակերպումը. «...ընդունելությունը նույն հաստատությունում` անկախ լիցենզիայով տրված սահմանային տեղերի սահմանափակումից:» ։ Սա նախագծի ամենանուրբ կետն է։ Լիցենզիայով տրված սահմանային տեղը (օրինակ՝ 30 սովորող) սահմանված է ոչ միայն ֆինանսական հաշվարկներով, այլև սանիտարահիգիենիկ նորմերով (դասասենյակի մակերես) և, որն ամենակարևորն է, արդյունավետ մանկավարժական աշխատանքի սահմանով։ Եթե 30 սովորող ունեցող դասարանում ընդունվում են եռյակներ 7՝ դարձնելով դասարանը 33 հոգանոց, սա կտրուկ նվազեցնում է ուսուցչի՝ յուրաքանչյուր երեխայի հետ անհատական աշխատանք տանելու հնարավորությունը։ Մենք լուծում ենք ընտանիքի լոգիստիկ խնդիրը, բայց կարող ենք ստեղծել կրթության որակի խնդիր։ Առաջարկվող լուծում. Առաջարկում եմ 19.2 կետից հետո 8 ավելացնել նոր՝ 19.3 կետ հետևյալ բովանդակությամբ. «19.3. Սույն կարգի 19.2 կետի կիրառման արդյունքում տվյալ դասարանում սովորողների թիվը սահմանված նորմատիվային թվից (օրինակ՝ 30) գերազանցելու դեպքում, դպրոցի ֆինանսավորման մեջ ավտոմատ կերպով նախատեսվում է ուսուցչի օգնականի կամ մանկավարժական աջակցության մասնագետի հաստիքի (կամ համապատասխան հավելավճարի) տրամադրում՝ տվյալ դասարանում աշխատանքի որակը և անհատական մոտեցումն ապահովելու նպատակով»։ Սա թույլ կտա պահպանել և՛ ընտանիքի շահը, և՛ կրթության որակը։ |
Ուսուցչի օգնականը պարտադիր է բոլոր դասարաններում, իսկ այդ պահանջի կրկնապատկումը կամ «ավտոմատ» ֆինանսավորում նախատեսելը կարող է հանգեցնել չհիմնավորված լրացուցիչ ծախսերի։ Հետևաբար նպատակահարմար է սահմանաչափերի գերազանցման հարցը կարգավորել այլ՝ ավելի հավասարակշիռ մոտեցումներով, ոչ թե ֆինանսական մեխանիզմների ընդլայնմամբ։ |
|||
| 27 | Աննա Վարդանյան 12.11.2025 18:06:47 | 2, Ընդլայնել 19.1 կետի Նախագծի ձևակերպումը. «...նախապատվություն տրվում է տվյալ դպրոցում սովորող քույր, եղբայր ունեցող սովորողներին:»։ Վերլուծություն. Սա շատ կարևոր է։ Սակայն, կա ևս երկու խումբ, որոնց համար դպրոցի ընտրությունը ոչ թե պարզապես «հարմարավետություն» է, այլ կենսական անհրաժեշտություն։ 1. Դպրոցի աշխատակիցների երեխաները։ Ուսուցիչը չի կարող արդյունավետ աշխատել, եթե իր երեխան մեկ այլ դպրոցում է, և նա ստիպված է մտահոգվել նրան տուն հասցնելու մասին։ Կադրերի պահպանման և ներգրավման համար սա հզոր գործիք է։ 2. ԿԱՊԿՈՒ (Կրթության առանձնահատուկ պայմանների կարիք) ունեցող երեխաները։ Եթե տվյալ դպրոցն ունի համապատասխան մասնագետներ (հոգեբան, լոգոպեդ) կամ ենթակառուցվածք (թեքահարթակ), որը չունի երեխայի բնակության վայրին ամրագրված դպրոցը։ Առաջարկվող լուծում․ Լրացնել 19.1 կետը՝ այն դարձնելով ավելի ընդգրկուն. «19.1. ...նախապատվություն տրվում է հետևյալ հերթականությամբ՝ 1. Տվյալ դպրոցի աշխատակիցների (մանկավարժական և վարչական) երեխաներին. 2. Կրթության առանձնահատուկ պայմանների կարիք ունեցող սովորողներին, եթե տվյալ հաստատության պայմանները (ենթակառուցվածք, մասնագիտական թիմ) համապատասխան ՏՄԱԿ-ի (Տարածքային մանկավարժահոգեբանական աջակցության կենտրոն) եզրակացությամբ գերադասելի են համարվում. 3. Տվյալ դպրոցում սովորող քույր, եղբայր ունեցող սովորողներին»։ |
Ձեր առաջարկը լրացուցիչ կքննարկվի: |
|||
| 28 | Աննա Վարդանյան 12.11.2025 18:06:47 | 3. Ապահովել գործընթացի թափանցիկություն և ավտոմատացում Նախագծի ձևակերպումը. (Նախագիծը սահմանում է իրավունքը, բայց ոչ դրա կիրառման մեխանիզմը)։ Վերլուծություն. Այս լրացումները կարող են դառնալ կոռուպցիոն ռիսկի կամ տնօրեն-ծնող կոնֆլիկտի պատճառ («Ես առաջինն եմ դիմել», «Իմ երեխան քույր ունի» և այլն)։ Ո՞վ է ստուգելու, թե քանի «առաջնահերթ» դիմորդ կա և ով է ավելի «առաջնահերթ»։ Առաջարկվող լուծում. Առաջարկում եմ նախագծի հետագա լրամշակման փուլում մտածել կամ հանձնարարական տալ, որ այս կետերի կիրառումն ապահովվի ԿՏԱԿ (Կրթության տեղեկատվական տեխնոլոգիաների ազգային կենտրոն) համակարգի միջոցով։ Ինչպե՞ս. Ծնողի կողմից տեղափոխման առցանց հայտը լրացնելիս համակարգը պետք է ավտոմատ կերպով (Պետական ռեգիստրի հետ փոխգործելիության շնորհիվ) ստուգի և նշի «Առկա է քույր/եղբայր նույն դպրոցում» կամ «Երկյակ/եռյակ» դրոշակները։ Այսպիսով, տնօրենն իր համակարգում կտեսնի ոչ թե պարզապես դիմումների հոսք, այլ արդեն իսկ առաջնահերթության սկզբունքով դասակարգված էլեկտրոնային հերթ։ Սա գործընթացը կդարձնի լիովին թափանցիկ, զերծ կպահի մարդկային գործոնից և կվերացնի կոնֆլիկտային իրավիճակները։ |
Դիտել կցված փաստաթուղթը |
Ձեր առաջարկը լրացուցիչ կքննարկվի, շնորհակալություն: |
||
| 29 | Մարինե Հովհաննիսյան 12.11.2025 21:40:04 | Նախագիծը հնարավորություն է տալիս լուծել գործող կարգով առկա խնդիրները՝ ապահովելով նույն ընտանիքի մի քանի երեխաների ուսուցումը մեկ ուսումնական հաստատությունում, պահպանելով ընտանիքի միասնական կրթական միջավայրը, նվազեցնելով սոցիալ-հոգեբանական անհարմարությունները և բարձրացնելով կրթության հասանելիությունն ու հավասար հնարավորությունները: Առաջարկվում է ապահովել մեխանիզմներ, որոնք կվերահսկեն բազմազավակ ընտանիքների երեխաների միասնական ընդունելության գործընթացը և կնպաստեն նախագծի դրույթների արդյունավետ իրագործմանը: |
Ուսումնական հաստատությունները, ունենալով ընդունելության գործընթացի իրական, գործնական պատկերն ու տեղային առանձնահատկությունների գիտակցումը, կարող են ապահովել նախապատվությամբ ընդունելության համար անհրաժեշտ գործողությունների կազմակերպումը և վերահսկումը՝ առանց լրացուցիչ վարչարարական մեխանիզմների ներմուծման։ Այս ձևաչափը թույլ կտա գործընթացը իրականացնել արդյունավետ, ճկուն և իրադրությանը համապատասխան՝ ավելորդ բյուրոկրատական կարգավորումներից խուսափելով։ |
|||
| 30 | Իսկուհի Բալյան 14.11.2025 00:23:37 | Նախագիծն ամբողջությամբ համահունչ է «Հանրակրթության մասին» ՀՀ օրենքով սահմանված երեխայի լավագույն շահի գերակայության և կրթության մատչելիության սկզբունքներին։ Նախագիծը ընտանիքամետ և սովորողակենտրոն մոտեցում ունի։ Մասնավորապես՝ 19.1 և 19.2 կետերը վերացնում են այն իրավիճակը, երբ զուտ վարչական կամ տեղերի սահմանափակման պատճառով քույրերն ու եղբայրները ստիպված են լինում սովորել տարբեր դպրոցներում։ Սա ոչ միայն լուծում է ծնողների լոգիստիկ և ժամանակի կառավարման լրջագույն խնդիր, այլև, ինչպես շատ դիպուկ նշված է հիմնավորման մեջ, ապահովում է երեխաների սոցիալ-հոգեբանական բարեկեցությունը։ Նույն դպրոցում սովորելը նպաստում է երեխաների անվտանգության զգացումին և հարմարվողականության գործընթացի հեշտացմանը։ Թեև լիովին կիսում եմ, որ երկյակներին, եռյակներին չի կարելի բաժանել, առաջարկում եմ նախարարությանը մշակել մեթոդական ուղեցույց կամ լրացուցիչ կարգավորում այն բացառիկ դեպքերի համար, երբ 19.2 կետի կիրառման արդյունքում դասարանում սովորողների թիվը գերազանցում է սահմանված նորմատիվը։ Օրինակ՝ դպրոցին տրամադրել լրացուցիչ ռեսուրս (ասենք՝ ուսուցչի օգնականի ժամաքանակ) կամ այլ աջակցող մեխանիզմներ՝ տվյալ դասարանում կրթության որակը չտուժելու համար։ |
Ուսուցչի օգնականի հաստիքը պարտադիր է բոլոր դասարանների համար, և լրացուցիչ ֆինանսավորումը կարող է չհիմնավորված ծախսեր առաջացնել: |
|||
| 31 | Նաիրա Էլբակյան 15.11.2025 17:08:53 | Ողջունում եմ և լիովին համակարծիք եմ սույն նախագծի լրամշակման հետ, (ինչը զերծ կպահի հաստատությունների կողմից իրականացվող ավելորդ քաշքշուկից և անտեղի թղթաբանությունից), սակայն կարծում եմ (19.2-րդ կետ)-ում՝․․․ավտոմատ կերպով ապահովում է մյուսների ընդունելությունը նույն հաստատությունում`..., հարկ է նշել նաև, ․․․սովորողի/սովորողների ցանկության դեպքում միայն։ Երկյակների, եռյակների կամ ավելի սովորողներից մեկի տեղափոխումն ապահովելով, կարելի է հաշվի առնել ոչ միայն տեղափոխվող սովորողի և սովորողի ծնողի՝ որպես անչափահասի իրավական ներկայացուցչի և պատասխանատուի կարծիքն ու ցանկությունը միայն, այլև նույն ընտանիքի մյուս սովորողի/սովորողների ցանկությունը՝ իր/իրենց իսկ հաստատությունից մեկ այլ հաստատություն տեղափոխվելու մասին՝ չանտեսելով նույն ընտանիքի մյուս սովորողի/սովորողների իրավունքները։ |
«Հանրակրթության մասին» օրենքի 16-րդ հոդվածի 5-րդ մասով սահմանված է, որ «Դպրոցական տարիքի երեխային ուսումնական հաստատություն ընդգրկելու համար պատասխանատու է ծնողը՝ օրենքով սահմանված կարգով:»: |
