ՀՀՇՆ «ՇԵՆՔԵՐԻ ԵՎ ՇԻՆՈՒԹՅՈՒՆՆԵՐԻ ՄԱՏՉԵԼԻՈՒԹՅՈՒՆ. ՆԱԽԱԳԾՄԱՆ ՆՈՐՄԵՐ» ՇԻՆԱՐԱՐԱԿԱՆ ՆՈՐՄԵՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐԻ 2006 ԹՎԱԿԱՆԻ ՆՈՅԵՄԲԵՐԻ 10-Ի N 253-Ն ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Սույն շինարարական նորմերը մշակվել են ՄԱԿ-ի «Հաշմանդամություն ունեցող անձանց իրավունքների մասին» կոնվենցիայի (այսուհետ՝ Կոնվենցիա) սկզբունքներին համապատասխան, որն ուժի մեջ է մտել Հայաստանի Հանրապետությունում 2010թ. հոկտեմբերի 22-ին: Այդ սկզբունքներից են՝ հաշմանդամություն ունեցող անձանց լիարժեք և արդյունավետ ներգրավումը հասարակության մեջ, հավասար հնարավորությունները և մատչելիությունը։ Օգտագործվել է «Համընդհանուր դիզայն» նոր առաջադեմ սկզբունքը, որը կոնվենցիայում հայտարարված է որպես պարտադիր։ Կոնվենցիայի սկզբունքների կիրառումը նախագծման և շինարարության գործընթացում ձևավորում է կենսագործունեության միջավայր՝ հաշմանդամություն ունեցող անձանց և բնակչության այլ սակավաշարժ խմբերի անարգել մուտքը դեպի շենքեր և կառույցներ՝ ապահովելով դրանց շահագործման անվտանգությունը՝ առանց հետագա վերակառուցման և հարմարեցման անհրաժեշտության։