11.10.2025
Ուսումնասիրելով «Հայաստանի Հանրապետության կրթության, գիտության, մշակույթի և սպորտի նախարարի 2021 թվականի նոյեմբերի 29-ի N 81-Ն հրամանում լրացում կատարելու մասին» հրամանի նախագիծը և դրա հիմնավորումը, միանշանակ տալիս եմ դրական եզրակացություն և առաջարկում եմ կողմ քվեարկել այս կարևոր փոփոխությանը։ Այստեղ պետք է կատարել մեկ քայլ ևս․ անհրաժեշտ է թեթևացնել երեխաների դպրոցական պայուսակները․ ճիշտ է՝ դրանք տպագրվում են երկու մասով, բայց խնդիրը դեռևս լուծված չէ ։ Երեխաները դպրոց են գնում ծանր պայուսակներով, որը բռնողին թվում է, թե քարերով լեցուն պարկ է վերցրել։ Սա լուծման մեկ տարբերակ ունի․ անհրաժեշտ է դասագրքերը տպագրել երկու օրինակով, որոնցից մեկը կմնա տանը, և երեխան մշտապես կօգտվի տանը, իսկ մյուսը դպրոցում միշտ կլինի, և երեխան դրանից կօգտվի միայն դպրոցում․ ահա այս կերպ է հնարավոր թեթևացնել երեխաների <<ծանր>> բեռը։ Եվ այս դեպքում գրքի երկրորդ օրինակը պետությունը պետք է անվճար տրամադրի, որպեսզի ծնողները չհրաժարվեն երկրորդ օրինակից, և երեխան չշարունակի կրել ծանր պայուսակը։
