ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
«____» ______________ 2025 թվականի N _______ -Ն
ՀԱՅԱUՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՄԱՅԻՍԻ 5-Ի N 665-Ն ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱUԻՆ
Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով և «Պետական կենսաթոշակների մասին» օրենքի (այսուհետ` Օրենք) 30-րդ հոդվածի 9-րդ մասով` Հայաստանի Հանրապետության կառավարությունը որոշում է.
1․ Հայաստանի Հանրապետության կառավարության 2011 թվականի մայիսի 5‑ի «Պետական կենսաթոշակների մասին» Հայաստանի Հանրապետության օրենքի կիրարկումն ապահովելու մասին» N 665-Ն որոշման (այսուհետ՝ Որոշում) N 2 հավելվածի 7-րդ կետից հետո լրացնել հետևյալ բովանդակությամբ նոր՝ 7․1-րդ կետով․
«7.1. Օդային երթևեկության կառավարման կարգավարի վկայական ունեցող աշխատողի աշխատանքային ստաժը հաշվարկելիս աշխատած ժամանակահատվածն աշխատանքային ստաժում հաշվառվում է երկու գործակցի կիրառմամբ:»։
2․ Որոշման N 5 հավելվածի 3-րդ շարադրել հետևյալ խմբագրությամբ․
«3. Օդային երթևեկության կառավարման ծառայության կարգավարի (դիսպետչերի) վկայական ունեցող աշխատողներ ։»։
3․ Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
- Մինչև սույն որոշումն ուժի մեջ մտնելը օդային երթևեկության կառավարման ծառայության կարգավարի վկայական ունեցող աշխատողներին նշանակված կենսաթոշակները վերահաշվարկվում են սույն որոշումն ուժի մեջ մտնելու ամսվան հաջորդող ամսվա 1-ից՝ անկախ քաղաքացու դիմելու հանգամանքից։
Հայաստանի Հանրապետության
Վարչապետ Ն. Փաշինյան
ք. Երևան
