«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2020 ԹՎԱԿԱՆԻ ՀՈՒԼԻՍԻ 9-Ի N 1159-Ն ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԾԱԳԻԾ

1159-Ն որոշումը նշում է մի քանի դեպք, որոնցում պաշտոնական պարզաբանումը տրվում է ՀՀ ոստիկանության կողմից՝ ա՛յլ պետական մարմինների հետ համատեղ: Առաջարկում եմ լրացնել քննարկվող որոշման նախագիծը հետևյալ կետով. «ՀՀ ոստիկանություն» եզրույթը փոխարինել «ՀՀ ներքին գործերի նախարարություն» եզրույթով 1159-Ն որոշման հետևյալ ենթակետերում՝ 11-րդ կետի 6-րդ ենթակետում, 14-րդ կետի 6-րդ ենթակետում, 19-րդ կետի 6-րդ ենթակետում, 19-րդ կետի 7-րդ ենթակետում:

ՀՀ օրենսդրությունը նախատեսում է հանրային ծառայությունների համարանիշի տրամադրումը ոչ միայն ՀՀ քաղաքացիներին, այլև օտարերկրյա քաղաքացիներին՝ օրենքով սահմանված դեպքերում: Առաջարկում եմ 1159-Ն որոշման մեջ ավելացվող 9.1 կետի 31-րդ ենթակետը բաժանել երկու առանձին ենթակետերի՝ հետևյալ բովանդակությամբ. «Հայաստանի Հանրապետության քաղաքացուն տրամադրվող անձը հաստատող փաստաթղթերի» և «Հանրային ծառայությունների համարանիշի տրամադրման»:

ՆԳՆ-ի ներկայիս լիազորությունները միգրացիոն ոլորտում չեն սահմանափակվում օտարերկրացիների համար մուտքի վիզաների, կացության կարգավիճակների տրամադրմամբ և արտաքսմամբ: Օրինակ, ՆԳՆ-ն պատասխանատու է ՌԴ քաղաքացիներին ՀՀ-ում մշտական բնակչի կարգավիճակ տրամադրելու համար, որը նախատեսված է 29.08.1997թ. պայմանագրով: Համարում եմ նպատակահարմար լրացնել քննարկվող նախագծի 9.1 կետը ենթակետով, որը ՆԳՆ-ին լիազորում է տալ պաշտոնական մեկնաբանություններ օտարերկրյա քաղաքացիների մուտքի, ելքի, գտնվելու և բնակության հարցերի վերաբերյալ (անհրաժեշտության դեպքում՝ ՀՀ Ազգային անվտանգության ծառայության հետ համատեղ):