«Ոստիկանության մասին» օրենքում լրացումներ և փոփոխություններ կատարելու մասին» օրենքի նախագիծ

Նախագիծ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

«ՈՍՏԻԿԱՆՈՒԹՅԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Ոստիկանության մասին» 2001 թվականի ապրիլի 16-ի ՀՕ-177 օրենքի (այսուհետ՝ Օրենք) 20-րդ հոդվածի 1-ին մասի 3-րդ կետում «նպատակով» բառից հետո լրացնել «կամ Լիազոր մարմնի ղեկավարի կողմից սահմանված կարգով իրականացնելու սթափության վիճակի ստուգում,» բառերը:

Հոդված 2. Օրենքի 21-րդ հոդվածի 1-ին մասում՝

• 6-րդ կետի «։» կետադրական նշանը փոխարինել «․» կետադրական նշանով:
• լրացնել հետևյալ բովանդակությամբ 7-րդ կետ․

«7) Լիազոր մարմնի ղեկավարի կողմից սահմանված կարգով իրականացնել սթափության վիճակի ստուգում»:

Հոդված 3. Օրենքի 22-րդ հոդվածի 1-ին մասում լրացնել հետևյալ բովանդակությամբ 1․1-րդ կետ․

«1․1) Սույն հոդվածի 1-ին մասի 1-ին կետի պայմաններում Լիազոր մարմնի ղեկավարի կողմից սահմանված կարգով իրականացնելու սթափության վիճակի ստուգում»:

Հոդված 3. Սույն օրենքն ուժի մեջ է մտնում հրապարակմանը հաջորդող օրվանից։