«ՇԻՆԱՐԱՐԱԿԱՆ ՀՐԱՊԱՐԱԿՈՒՄ ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄ ԵՎ ԱՆՎՏԱՆԳՈՒԹՅԱՆ ԱՊԱՀՈՎՈՒՄ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԻԾ

ՀԻՄԱՆՎՈՐՈՒՄ

«ՇԻՆԱՐԱՐԱԿԱՆ ՀՐԱՊԱՐԱԿՈՒՄ ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԿԱԶՄԱԿԵՐՊՄԱՆ ԵՎ ԱՆՎՏԱՆԳՈՒԹՅԱՆ ԱՊԱՀՈՎՈՒՄ»

ՈՒՂԵՑՈՒՅՑԻ ՄՇԱԿՄԱՆ

1. Անհրաժեշտությունը

Ներկայումս շինարարության մեջ զբաղված ոչ բոլոր մասնակիցներն են (գործատու, աշպխատող) տեղակացված շինարարական հրապարակում շինարարական աշխատանքների կազմակերպման և անվտանգության ապահովման հիմնական պահանջների մասին:

Շատ դեպքերում անտեսելով խնդրի կարևորությունը՝ համապատասխան միջոցներ չեն ձեռնարկում շինարարության արտադրության կազմակերպման գործընթացներում կանոնակարգող նորմատիվատեխնիկական պահանջների կատարման, ապահովման կամ պահպանման համար։

Հաշվի առնելով վերոգրյալն՝ անհրաժեշտություն է առաջացել մշակել ուղեցույցով  պարզեցված պահանջներ՝  ուղեցույցների տեսքով, որոնք շինարարական աշխատանքների կազմակերպման և անվտանգության ապահովման ոլորտում կարգավորող  նորմատիավատեխնիկական փաստաթղթերի և կառուցապատման ծրագրերի մաս են կազմում:

2. Ընթացիկ իրավիճակը և խնդիրները

Շինարարական հրապարակում շինարարական աշխատանքների կազմակերպումը, աշխատատեղերի կահավորումը և անվտանգության ապահովումն անհրաժեշտ է   իրականացնել  համաձայն ՝

- «Տեխնիկական անվտանգության ապահովման պետական կարգավորման մասին» ՀՀ օրենքի,

- «Հրդեհային անվտանգության մասին» ՀՀ օրենքի,

- ՀՀ քաղաքաշինության կոմիտեի նախագահի 2022 թվականի օգոստոսի 26-ի N 21-Ն հրամանով հաստատված ՀՀՇՆ 13-02-2022 «Անվտանգության տեխնիկա շինարարությունում» շինարարական նորմերի,

- ՀՀ քաղաքաշինության նախարարի 2008 թվականի հունվարի 14-ի N 11-Ն հրամանով հաստատված ՀՀՇՆ I-3.01.01-2008 «Շինարարական արտադրության կազմակերպում» շինարարական նորմերի,

- ՀՀ քաղաքաշինության կոմիտեի նախագահի 2023 թվականի փետրվարի 9-ի N 09-Ա հրամանով հաստատված «Տարբեր նշանակության շենքերի ու շինությունների կառուցման (այդ թվում՝ վերակառուցման, հիմնանորոգման, արդիականացման, վերազինման, ընդլայնման, քանդման կամ ապամոնտաժման) աշխատանքներ կատարողների և տեխնիկական հսկողության ծառայություններ մատուցողների նկատմամբ՝ շինարարական աշխատանքների ընթացքում նորմատիվատեխնիկական և հաստատված նախագծանախահաշվային փաստաթղթերով սահմանված պահանջների՝ շինարարական հրապարակի պատշաճ կազմակերպման, կահավորման և անվտանգության տեխնիկայի կանոնների չպահպանման, հայտնաբերված խախտումների և թերությունների համար պատասխանատվության միջոցների կիրառման վերաբերյալ մեթոդական խորհրդատվության դրույթների»,

-ՀՀ առողջապահության նախարարի 2006 թվականի փետրվարի 16-ի N 163-Ն հրամանով հաստատված «Աշխատանքային գոտու օդում և մթնոլորտային օդում հիգիենիկ նորմերի»,

-ՀՀ առողջապահության նախարարի 2010 թվականի դեկտեմբերի 6-ի N 27-Ն հրամանով հաստատված  «Կազմակերպությունների աշխատատեղերում աշխատանքային գոտու օդում քիմիական նյութերի սահմանային թույլատրելի կոնցենտրացիաները» N 2.2.5-004-10 սանիտարական կանոնների և նորմերի:

Շինարարության ոլորտում իրազեկվածության բարձրացման հարցում մասնագիտական  աջակցություն ցուցաբերելու համար սույն ուղեցույցը նպատակ ունի ընդգծել անվտանգության կարևորությունը՝ մանրամասնելով շինարարական նորմերի  և կանոնների պահանջները՝ դրանց բովանդակությունը հասկանալի ձևով ներկայացնելու համար:

Ուղեցույցով  սահմանված պահանջները պետք է նպաստեն շինարարական աշխատանքների անվտանգության բարձրացմանը,  որոնք  պահանջված են աշխատուժի կառավարման  և կազմակերպման գործընթացների շրջանակներում:

Ուղեցույցը մշակելիս հաշվի են առնվել ՀՀ օրենսդրության, Միջազգային և եվրոպական ստանդարտների, ԱՊՀ շրջանակներում կնքված Միջկառավարական համաձայնագրերի պահանջները, ինչպես նաև Եվրասիական տնտեսական միությանն (ԵԱՏՄ) անդամակցելու հետ կապված մարտահրավերները: Ուղեցույցի մշակման գործընթացն իրականացնելիս դրանք հնարավորինս համապատասխանեցվել են Եվրամիության երկրների շինարարության ոլորտում գործող նորմատիվ փաստաթղթերին և դրանց կիրարկումն ապահովող եվրոպական ստանդարտներին, ինչպես նաև հաշվի են առնվել ԱՊՀ անդամ երկրների և միջազգային լավագույն փորձը:

Հաշվի առնելով վերոգրյալը՝ ի կատարումն ՀՀ վարչապետի աշխատակազմի  17.01.2025թ-ի N 02/11.2/1389-2025, 07.01.2025թ-ի N 02/06.32/179-2025, 06.12.2024թ-ի N 099/33939-2024 հանձնարարականների՝ ՀՀ քաղաքաշինության կոմիտեն  նախաձեռնել է  ուղեցույցի մշակման գործընթացը: Մշակված փաստաթղթի նախագիծը սահմանված կարգով ներկայացվել են շահագրգիռ մարմինների և կազմակերպությունների քննարկմանը՝ «Նորմատիվ իրավական ակտերի մասին» օրենքի պահանջին համապատասխան:

2.1.Կապը ռազմավարական փաստաթղթերի հետ

1)  ՀՀ կառավարության 2021 թվականի օգոստոսի 18-ի N1363-Ա որոշում.

Հոդված 6.6 «Հանրապետության բոլոր բնակավայրերում համաչափ և կայուն զարգացում ապահովելու, բնակչության բարեկեցությունը բարելավելու, բնակավայրերն ավելի հարմարավետ ապրելու և գործելու կենսամիջավայր դարձնելու... »,

2)  «Քաղաքաշինության մասին» օրենք.

Համաձայն Հոդված 2-ի` «Քաղաքաշինությունը Հայաստանի Հանրապետությունում կենսագործունեության համար բարենպաստ տարածական միջավայրի ստեղծման կամ փոփոխման նպատակով պետության, ֆիզիկական, իրավաբանական անձանց և դրանց միավորումների գործողությունների համախումբ է, որոնք ընդծում են շինարարական աշխատանքների անվտանգության  բարձրացման կարևորությունը՝ աշխատուժի կառավարման  և կազմակերպման գործընթացների  շրջանակներում:

3) ՀՀ վարչապետի աշխատակազմի 17.01.2025թ-ի N 02/11.2/1389-2025,  07.01.2025թ-ի N 02/06.32/179-2025, 06.12.2024թ-ի N 099/33939-2024 հանձնարարականների՝ կատարում և ապահովում:

Պետության կարևորագույն պարտավորություններից է մարդու կյանքի ու գործունեության անվտանգության իրավունքի ապահովման համար համապատասխան պայմանների ստեղծումը»:

Միաժամանակ հարկ է նշել, որ Շինարարական հրապարակում շինարարական աշխատանքների կազմակերպման և անվտանգության ապահովում ուղեցույցի նախագծի ընդունումը լրացուցիչ ֆինանսական միջոցների անհրաժեշտություն և պետական բյուջեի եկամուտներում և ծախսերում փոփոխություններ չի առաջացնում:

3. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ քաղաքաշինության կոմիտեի կողմից:

4. Ակնկալվող արդյունքը

Արդիական նորմատիվ փաստաթղթի ձեռքբերում, շինարարական աշխատանքների անվտանգության բարձրացում՝ աշխատուժի կառավարման  և կազմակերպման գործընթացների  շրջանակներում: