««ԳՆԱՀԱՏՄԱՆ ԳՈՐԾՈՒՆԵՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՕՐԵՆՔԻ ՆԱԽԱԳԻԾ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ

««ԳՆԱՀԱՏՄԱՆ ԳՈՐԾՈՒՆԵՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ»

             Հոդված 1. «Գնահատման գործունեության մասին» 2005 թվականի հոկտեմբերի
          4-ի ՀՕ-189-Ն օրենքի (այսուհետ՝ Օրենք) 4-րդ հոդվածի 1-ին մասում․

       1) լրացնել նոր 1․1-ին կետ հետևյալ բովանդակությամբ․

    «1․1) օտարերկրյա գնահատող՝ ֆիզիկական անձ, որն այլ պետությունում ունի գնահատողի որակավորման գործող վկայական կամ գնահատում իրականացնելու իրավունք և այդ գնահատողի որակավորման վկայականը կամ գնահատում իրականացնելու իրավունքը ճանաչվել է Հայաստանի Հանրապետության միջազգային պայմանագրերով․»,

       2) 10-րդ կետում «կազմակերպության և գնահատողների» բառերը փոխարինել «կազմակերպության, գնահատողների և օտարերկրյա գնահատողների» բառերով։

      Հոդված 2. Օրենքի 7-րդ հոդվածի 1-ին մասում «գնահատողների» բառից հետո լրացնել «և օտարերկրյա գնահատողների» բառերը։

      Հոդված 3․Օրենքի 10-րդ հոդվածի 1-ին մասում «գնահատողի» բառից հետո լրացնել «կամ օտարերկրյա գնահատողի» բառերը։

       Հոդված 4․ Օրենքի 12-րդ հոդվածը լրացնել նոր 14-րդ մասով հետևյալ բովանդակությամբ․

   «14․ Օտարերկրյա գնահատողի իրավական կարգավիճակը ծագում է Հայաստանի Հանրապետության միջազգային պայմանագրերով սահմանված կարգով լիազոր մարմնի համապատասխան գրանցամատյաններում ներառվելու պահից:»։

      Հոդված 5․ Օրենքի 16-րդ հոդվածը լրացնել նոր 5-րդ և 6-րդ մասերով հետևյալ բովանդակությամբ․

    «5․ Օտարերկրյա գնահատողն իրավունք ունի՝

1) գնահատման ընթացքում գնահատման կազմակերպությունից և պատվիրատուներից պահանջելու անհրաժեշտ տեղեկությունների ապահովում, բացառությամբ օրենսդրությամբ սահմանված կարգով պետական, ծառայողական, առևտրային, բանկային և ապահովագրական գաղտնիք համարվող տեղեկությունների, իսկ այդ տեղեկատվությամբ գույքի արժեքի արժանահավատությունը պայմանավորված լինելու դեպքում նշելու այդ մասին հաշվետվությունում.

2) անդամակցել լիազոր մարմնում հաշվառված գնահատողների ինքնակարգավորվող կազմակերպություններին.

3) օգտվելու սույն հոդվածի 2-րդ մասի 2-րդ, 4-րդ և 5-րդ կետերով նախատեսված իրավունքներից.

4) օգտվելու Հայաստանի Հանրապետության օրենսդրությամբ սահմանված այլ իրավունքներից:

6. Օտարերկրյա գնահատողը պարտավոր է՝

    1) սահմանված կարգով դիմել լիազոր մարմին համապատասխան գրանցամատյաններում ներառվելու համար.

    2) գնահատումը կատարել սույն օրենքով, գնահատման ստանդարտներով և Հայաստանի Հանրապետության օրենսդրությամբ սահմանված կարգով.

    3) ստորագրել հաշվետվության յուրաքանչյուր տպագրված և համարակալված էջ.

    4) հրաժարվել գնահատման իրականացումից, եթե գնահատման օբյեկտի վերաբերյալ տեղեկատվությունը բավարար չէ սույն օրենքով և գնահատման ստանդարտներով սահմանված պարտադիր պահանջների պահպանմամբ գնահատման հաշվետվություն կազմելու համար․

    5) իր մասնագիտական գործունեությունն իրականացնելիս պահպանել գնահատողի վարքագծին ներկայացվող պահանջները․

    6) կրել սույն հոդվածի 4-րդ մասի 3-5-րդ կետերով սահմանված պարտականությունները։»։

      Հոդված 6․ Օրենքի 18-րդ հոդվածի 2-րդ մասում «հանդիսացող գնահատողի» բառերից հետո լրացնել «կամ օտարերկրյա գնահատողի» բառերը, իսկ «յուրաքանչյուր գնահատողի» բառերից հետո լրացնել «կամ օտարերկրյա գնահատողի» բառերը։

     Հոդված 7․ Օրեքնի 19-րդ հոդվածի 1-ին մասում «կազմակերպությունը և գնահատողն» բառերը փոխարինել «կազմակերպությունը, գնահատողը և օտարերկրյա գնահատողն» բառերով։

     Հոդված 8․ Օրեքնի 22-րդ հոդվածը լրացնել նոր 11-րդ մասով հետևյալ բովանդակությամբ․

    «11․ Օտարերկրյա գնահատողի իրավական կարգավիճակը դադարեցվում է լիազոր մարմնի կողմից վարվող  համապատասխան գրանցամատյաններից հանելով ՝

   1) իր դիմումի համաձայն

   2) որակավորման վկայականի կասեցման, դադարեցման կամ դրա իրավունքն ունենալու իրավունքը սահմանափակվելու դեպքում,

   3) սույն հոդվածի 1-ին մասի 6-րդ և 7-րդ կետերի հիմքերի առկայության դեպքում

   4) նրա մահվան կամ նրան մահացած ճանաչելու մասին դատարանի վճիռն ուժի մեջ մտնելու դեպքում.

   5) սույն օրենքի 19-րդ հոդվածի 1-ին մասով նախատեսված սահմանափակումը խախտելու դեպքում։»։

     Հոդված 9․ Օրեքնի 23-րդ հոդվածի 2-րդ մասում․

    1) 7-րդ կետում «կազմակերպությունների և գնահատողների» բառերը փոխարինել «կազմակերպությունների, գնահատողների և օտարերկրյա գնահատողների» բառերով,

    2) 11-րդ կետում «օրենսդրությամբ» բառից հետո լրացնել «և Հայաստանի Հանրապետության միջազգային պայմանագրերով» բառերը։

    Հոդված 10․

    1․    Սույն օրենքն ուժի մեջ է մտնում պաշտոնական հրապարակմանը հաջորդող օրվանից։

Հանրապետության նախագահ                                                               Վ. Խաչատուրյան

                                                                                                    Երևան, 2024 թ.