ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅԱՆ ԵՆԹԱԿԱՅՈՒԹՅԱՆ ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ (ԲԱՑԱՌՈՒԹՅԱՄԲ՝ ՀԱՆՐԱԿՐԹԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ) ՇԱՀՈՒՅԹԻ ՕԳՏԱԳՈՐԾՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
«Պետական ոչ առևտրային կազմակերպությունների մասին» օրենքով սահմանված է, որ պետական կազմակերպության շահույթի օգտագործման կարգը սահմանում է հիմնադիրը։
Ներկայում, ՀՀ կրթության գիտության, մշակույթի և սպորտի նախարարության ենթակայության բարձրագույն մասնագիտական կրթություն, հետբուհական մասնագիտական և լրացուցիչ կրթություն, արհեստագործական և միջին մասնագիտական կրթություն իրականացնող պետական ոչ առևտրային կազմակերպությունների, ինչպես նաև գիտահետազոտական, մշակութային արժեքների պահպանություն, գրադարանային, մշակութային և ստեղծագործական գործունեություն իրականացնող պետական ոչ առևտրային կազմակերպությունների համար հիմնադրի՝ ՀՀ կառավարության կողմից շահույթի օգտագործման կարգ չի սահմանվել:
«Պետական ոչ առևտրային կազմակերպությունների մասին» օրենքի պահանջի կատարման նպատակով անհրաժեշտ է ՀՀ կառավարության համապատասխան որոշմամբ վերը նշված պետական ոչ առևտրային կազմակերպությունների համար սահմանել շահույթի օգտագործման կարգ:
Նախագծով իրավական հիմք է ստեղծվում ՀՀ կրթության գիտության, մշակույթի և սպորտի նախարարության ենթակայության պետական ոչ առևտրային կազմակերպությունների կողմից (բացառությամբ՝ հանրակրթական ուսումնական հաստատությունների) ձեռնարկատիրական գործունեության արդյունքում ստացված շահույթի հաշվի ձևավորել կանոնադրական նպատակներից բխող՝ նախագծով սահմանված ուղղություններով պահուստներ:
-
Discussed
25.04.2024 - 15.05.2024
-
Type
Decision
-
Area
Education and science
-
Ministry
Ministry of Education, Science, Culture and Sport
Views 2965
Print