«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՍԵՊՏԵՄԲԵՐԻ 28-Ի N592 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 Ո Ր Ո Շ ՈՒ Մ

2024 թվականի    _________ _____-ի               N ______-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՍԵՊՏԵՄԲԵՐԻ 28-Ի  N592 ՈՐՈՇՄԱՆ ՄԵՋ ԼՐԱՑՈՒՄՆԵՐ  ԵՎ ՓՈՓՈԽՈՒԹՅՈՒՆՆԵՐ  ԿԱՏԱՐԵԼՈՒ ՄԱՍԻՆ

Հիմք ընդունելով <Քաղաքաշինության մասին> օրենքի 10.1-ին հոդվածի 3-րդ մասի 3-րդ և 24-րդ կետերը, <Նորմատիվ իրավական ակտերի մասին> օրենքի 33-րդ և 34-րդ կետերը՝ Հայաստանի Հանրապետության կառավարությունը որոշում է.

1. ՀՀ կառավարության 2000 թվականի սեպտեմբերի 28-ի <Բնակչության պատսպարման կարգը հաստատելու մասին> N592 որոշման.

1) 2-րդ կետը շարադրել հետևյալ խմբագրությամբ. <2.Սույն որոշման կատարման վերահսկողությունը վերապահել Հայաստանի Հանրապետության ներքին գործերի նախարարությանը:>,

2) Կարգի 3-րդ կետը շարադրել հետևյալ խմբագրությամբ. <3.Արտակարգ իրավիճակներում և ռազմական դրության պայմաններում բնակչության պատսպարումն իրականացվում է ՀՀ քաղաքաշինության կոմիտեի նախագահի 2022 թվականի ապրիլի 4-ի N06-Ն հրամանով հաստատված ՀՀՇՆ 31-03.02-2022 ,Հայաստանի Հանրապետության քաղաքացիական պաշտպանության պաշտպանական կառույցներ> շինարարական նորմերին համապատասխան առանձին կառուցված կամ ներկառուցված (կցակառուցված) քաղաքացիական պաշտպանության պաշտպանական կառույցներում (նաև մետրոպոլիտենում)՝ ապաստարաններում, պարզ թաքստոցներում, որոնք կարող են տեղակայվել արտադրական, հասարակական, բնակելի (այդ թվում` անհատական բնակելի տների) նշանակության շենքերի և շինությունների որմնախարսխային կամ նկուղային (ստորգետնյա) հարկաբաժիններում՝ ռազմական գործողությունների, դիվերսիաների, ինչպես նաև՝ բնական և տեխնածին աղետների հետևանքով առաջացած վտանգների դեպքում մարդկային, նյութական և տեխնիկական ռեսուրսների պատսպարման համար և շահագործվել երկակի նշանակությամբ: Խաղաղ պայմաններում նշված շենքերի և շինությունների որմնախարսխային կամ նկուղային հարկաբաժինների սենքերը (բացառությամբ մետրոպոլիտենի) կարող են շահագործվել ըստ թույլատրելի գործառնական նշանակության (այդ թվում՝ որպես կրթական ու մարզակրթական և հասարակական նշանակության այլ օբյեկտներ):>,

3) Կարգի 3-րդ կետից հետո լրացնել նոր՝ 3.1 կետ հետևյալ բովանդակությամբ.

        <3.1 Խաղաղ պայմաններում պաշտպանական կառույցներն այլ գործառնական նշանակությամբ շահագործման հնարավորությունը պետք է համաձայնեցնել համայնքի ղեկավարի և արտակարգ իրավիճակների ոլորտի լիազորված պետական մարմնի հետ ու հիմնավորել նախագծային լուծումներով՝ ՀՀ կառավարության 2015 թվականի մարտի 19-ի N596-Ն որոշմամբ հաստատված Հայաստանի Հանրապետությունում կառուցապատման նպատակով թույլտվությունների և այլ փաստաթղթերի տրամադրման կարգով: Խաղաղ պայմաններում այլ գործառնական նշանակությամբ պաշտպանական կառույցների շահագործումը չպետք է վատթարացնի վերջիններիս պաշտպանական անվտանգության և շահագործման նորմատիվային պայմանները: Խաղաղ պայմաններում երկրորդ նշանակությամբ ապաստարանների և թաքստոցների շահագործման (այդ թվում՝ ներքին հարդարման, վերազինման ու արդիականացման, ինժեներական հաղորդակցուղիներով և համապատասխան գույքով համալրման և այլն) նախընտրելի տարբերակներն են նշված սենքերում մարզասրահների գործարկումը, տարբեր մարզաձևերի զարգացումը՝ առողջ ապրելակերպի ձևավորման և այդ գործընթացներում երիտասարդներին ներգրավման նպատակով: Նմանատիպ նախագծային փոփոխությունները պետք է հիմնավորվեն ճարտարապետահատակագծային առաջադրանքով, շենքի (սենքի) տեխնիկական վիճակի հետազննման եզրակացությամբ, հաստատված նախագծային լուծումներով, շահագրգիռ մարմինների համաձայնեցումներով, շինարարության (այդ թվում՝ հիմնանորոգման/վերակառուցման կամ նորոգման) թույլտվությամբ: Խաղաղ պայմաններում այլ գործառնական նշանակությամբ պաշտպանական կառույցների շահագործման պայմանների հիմքում անհրաժեշտ է դիտարկել ՀՀ կառավարության 2015 թվականի մարտի 19-ի N 596-Ն որոշմամբ հաստատված կարգի, ՀՀ քաղաքաշինության նախարարի 2014 թվականի մարտի 31-ի N 93-Ն հրամանով հաստատված ՀՀՇՆ 31-01-2014, ՀՀ քաղաքաշինության կոմիտեի նախագահի 2020 թվականի դեկտեմբերի 10-ի N 95-Ն հրամանով հաստատված ՀՀՇՆ 31-03- և 2023 թվականի մայիսի 22-ի N 04-Ն հրամանով հաստատված ՀՀՇՆ 30-01-2023 շինարարական նորմերի պահանջները: Պաշտպանական կառույց նախագծելիս պետք է հաշվի առնել <Հաշմանդամություն  ունեցող  անձանց  իրավունքների  մասին> ՀՀ օրենքով ամրագրված  դրանց մատչելիության և համընդհանուր դիզայնի ապահովման հիմնական սկզբունքները: >,

4) Կարգի 4-րդ կետի գ) ենթակետը  շարադրել հետևյալ բովանդակությամբ. <գ) պաշտպանական կառույցների երկակի գործառնական նշանակությամբ, համապատասխանաբար՝ պատերազմական և խաղաղ պայմաններում շահագործման (օգտագործման) կազմակերպումը.>,

5) Կարգի 4-րդ կետի  դ) ենթակետը  շարադրել հետևյալ բովանդակությամբ.

       <դ) արագ կառուցվող պաշտպանական կառույցներն իրականացվում են նախքան զորակոչը վտանգի աճի ժամանակահատվածում, զորակոչի ժամանակ կամ պատերազմի պայմաններում, հավաքովի պատող կոնստրուկցիաներով կամ այլ նյութերով՝ համաձայն ՀՀ քաղաքաշինության կոմիտեի նախագահի 2022 թվականի ապրիլի 4-ի N06-Ն հրամանով հաստատված ՀՀՇՆ 31-03.02-2022 շինարարական նորմերի, որպես պատերազմի սպառնալիքի հակազդեցության հրատապ միջոցառում:>,

6) Կարգի 5-րդ կետի ա) ենթակետը շարադրել հետևյալ բովանդակությամբ.     

<ա) ապաստարաններում՝ ՀՀ համայնքների կենսագործունեությունն ապահովող  և պատերազմական դրության պայմաններում գործունեություն ծավալող պետական և տարածքային կառավարման, ինչպես նաև տեղական ինքնակառավարման մարմինների և դրանց ենթակայությամբ գործող կազմակերպությունների աշխատակիցներին (ծառայողներին),   հատուկ և կարևորագույն նշանակություն ունեցող, հատկապես վտանգավոր և (կամ) տեխնիկապես բարդ, ինչպես նաև երկու և ավելի պետությունների շահերին առնչվող օբյեկտներում աշխատողներին (ծառայողներին)` անկախ նրանց տեղակայման վայրից.>,

7) Կարգի 6-րդ կետը շարադրել հետևյալ բովանդակությամբ. <6.Խաղաղ պայմաններում, քաղաքացիական պաշտպանության պաշտպանական կառույցները (բացառությամբ մետրոպոլիտենի)՝ համաձայն ՀՀ քաղաքաշինության կոմիտեի նախագահի 2022 թվականի ապրիլի 4-ի N06-Ն հրամանով հաստատված ՀՀՇՆ 31-03.02-2022 շինարարական նորմերի կարող են շահագործվել (օգտագործվել) որպես հասարակական նշանակության օբյեկտներ՝ քաղաքաշինության բնագավառում գործող նորմատիվ պահանջների, քաղաքացիական պաշտպանության ոլորտի պետական լիազորված մարմնի և համայնքի ղեկավարի համաձայնեցումների ապահովման  պայմանով, նախագծային լուծումների առկայությամբ, առանց կոնստրուկտիվ փոփոխությունների: Խաղաղ պայմաններում պաշտպանական կառույցների շահագործումը որպես հասարակական նշանակության օբյեկտներ կարող է կազմակերպվել տրամադրվող 80-100%  տարածքում, ըստ անհրաժեշտության վերջինիս վերաձևափոխումը և ազատումն առավելագույնը 6 ժամվա ընթացքում ապահովելու պայմանով:>,

8) Կարգի 7-րդ կետի <կառուցման ժամկետներով> բառերը փոխարինել <կառուցման տևողությամբ> բառերով,

9) Կարգի 8-րդ կետը շարադրել հետևյալ խմբագրությամբ. <8. Արագ կառուցվող պաշտպանական կառույցների՝ ապաստարանների ու թաքստոցների, պարզագույն թաքստոցների տեսակը, տեխնոլոգիական լուծումները, թվաքանակը, դրանց տեղակայման/տեղաբաշխման վայրը, կառուցման, վերակառուցման ու վերազինման (նախագծման) տեխնիկական պայմանները, տևողությունը և ժամանակացույցը հստակեցվում և մշակվում են վաղօրոք, խաղաղ պայմաններում (այդ թվում` պատերազմի սպառնալիքի ժամանակահատվածում)՝ արտակարգ իրավիճակների և քաղաքացիական պաշտպանության ոլորտի պետական լիազորված մարմնի կողմից՝ ղեկավարվելով <Արտակարգ իրավիճակներում բնակչության պաշտպանության մասին>, <Քաղաքացիական պաշտպանության մասին> օրենքների պահանջներով, ՀՀ քաղաքաշինության կոմիտեի նախագահի 2022 թվականի ապրիլի 4-ի N06-Ն հրամանով հաստատված ՀՀՇՆ 31-03.02-2022 շինարարական նորմերով:>,

10) Կարգի 9-րդ և 10-րդ կետերն ուժը կորցրած ճանաչել,

11) Կարգի 11-րդ կետը շարադրել հետևյալ խմբագրությամբ. <11.Բնակչության կազմակերպված և ժամանակին պատսպարման համար պետական և տարածքային կառավարման, տեղական ինքնակառավարման մարմինները, կազմակերպությունների ղեկավարներն արտակարգ իրավիճակների և քաղաքացիական պաշտպանության մարմինների հետ համատեղ իրականացնում են բնակչության, այդ թվում՝ պետական և տարածքային կառավարման, տեղական ինքնակառավարման մարմիններում ու կազմակերպություններում, համատիրություններում  աշխատողների (ծառայողների) պաշտպանական կառույցներին ամրագրման միջոցառումներ: Պաշտպանական կառույցների մուտքի տեսանելի հատվածում փակցվում է ցուցատախտակ, իսկ դեպի պաշտպանական կառույցներ տանող շարժական երթուղիների վրա` ցուցանշաններ:>,

12) Կարգի 12-րդ կետի գ) պարբերության <իմանալ> բառը փոխարինել <ապահովել> բառով, դ) պարբերության <սնումը, բժշկական ապահովումը> բառերը փոխարինել  <սննդով և բուժօգնությամբ ապահովումը> բառերով,

13) Կարգի 13-րդ կետի բ) ենթակետի <բնակչությունը պարտավոր է միացնել հեռուստացույցները և ռադիոընդունիչները, որոնցով արտակարգ իրավիճակների և քաղաքացիական պաշտպանության մարմինների կողմից տրվում են հաղորդագրություններ> բառերը փոխարինել  <բնակչությունը կապի տեխնիկական միջոցներով (բջջային հեռախոսակապ, համակարգչային տեխնիկա, հեռուստատեսություն, ռադիոընդունիչ) իրազեկվում է արտակարգ իրավիճակների և քաղաքացիական պաշտպանության մարմինների կողմից տրվող հաղոդագրությունների վերաբերյալ> բառերով,

14) Կարգի 18-րդ կետը շարադրել հետևյալ խմբագրությամբ. <18. Հասարակական վայրերում գտնվող բնակչությունը պատսպարվում է ըստ գտնվելու վայրի՝ որպես պաշտպանական կառույց օգտագործելով մետրոպոլիտենը, ստորգետնյա անցումները, ստորգետնյա ավտոկայանատեղերը, բնակելի, հասարակական և արտադրական նշանակության շենքերի ու շինությունների առաջին հարկերը, որմնախարսխային և ստորգետնյա հարկաբաժինները: Պաշտպանական կառույցներով չապահովված բնակչությունը մասնակցում է պարզագույն թաքստոցների կառուցմանը, հետագայում դրանցում պատսպարվելու նպատակով` համաձայն պետական և տարածքային կառավարման, տեղական ինքնակառավարման մարմինների ղեկավարների կողմից հաստատված պլանի:>:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: