9 - Agree
1 - Disagree
ՀԻՄՆԱՎՈՐՈՒՄ
«ՎԵՐԱՐՏԱԴՐՈՂԱԿԱՆ ԱՌՈՂՋՈՒԹՅԱՆ ԲԱՐԵԼԱՎՄԱՆ,
ՊԵՐԻՆԱՏԱԼ ԿՈՐՈՒՍՏՆԵՐԻ ՆՎԱԶԵՑՄԱՆ ԵՎ ԱՌՈՂՋԱՊԱՀԱԿԱՆ ԳՈՐԾՈՆՈՎ ՊԱՅՄԱՆԱՎՈՐՎԱԾ ԾՆԵԼԻՈՒԹՅԱՆ ԲԱՐԵԼԱՎՄԱՆ 2024-2026 ԹԹ. ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ»
ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ
1. Ընթացիկ իրավիճակը և ակտի ընդունման անհրաժեշտությունը
«Վերարտադրողական առողջության բարելավման, պերինատալ կորուստների նվազեցման և առողջապահական գործոնով պայմանավորված ծնելիության բարելավման 2024-2026 թթ. ծրագիրը հաստատելու մասին» Կառավարության որոշման նախագծի անհրաժեշտությունը բխում է Հայաստանի Հանրապետության կառավարության 2021 թվականի նոյեմբերի 18-ի N 1902-Լ որոշման հավելված 1-ի «Առողջապահության նախարարություն» բաժնի 10.1 կետի հանձնարարականից, ինչպես նաև հաշվի առնելով հանրապետությունում դեմոգրաֆիկ ցուցանիշների վատթարացման և անպտղության տարածվածության կանխման ուղղությամբ միջոցներ ձեռնարկելու անհրաժեշտությունը:
2. Կարգավորման նպատակը և բնույթը:
Ներկայացվող նախագծով առաջարկվում են մի շարք միջոցառումներ, որոնք ուղղված են անուղղակիորեն նպաստել ծնելիության բարձրացմանը` բնակչության վերարտադրողական առողջության և հղիության ելքերի բարելավման, պերինատալ (շուրջծննդյան) կորուստների նվազեցման և անպտղության բուժման միջոցով, հաշվի առնելով նաև նախորդ` Կառավարության 2020 թվականի մարտի 5-ի N 258 - Լ որոշմամբ հաստատված` առողջապահական գործոնով պայմանավորված ծնելիության բարելավման ծրագրի և ծրագրի կատարումն ապահովող 2020-2023 թվականների միջոցառումների իրականացման դրական արդյունքները:
3. Նախագծի մշակման գործընթացում ներգրավված ինստիտուտները և անձինք
Նախագիծը մշակվել է ՀՀ առողջապահության նախարարության մոր և մանկան առողջության պահպանման վարչության կողմից:
4. Ակնկալվող արդյունքը.
Նախագծի ընդունման դեպքում ակնկալվում է բնակչության վերարտադրողական առողջության բարելավման միջոցով կանխել դեմոգրաֆիական ցուցանիշների վատթարացումը և նպաստել առողջապահական գործոնով պայմանավորված ծնելիության ցուցանիշների բարելավմանը:
5. Նախագծի ընդունման կապակցությամբ Հայաստանի Հանրապետության պետական բյուջեում ծախսերի և եկամուտների էական ավելացման կամ նվազեցման բացակայության մասին
Նախագծի ընդունման կապակցությամբ այլ իրավական ակտերում փոփոխություններ և լրացումներ չեն նախատեսվում: Ծրագրի իրականացման համար լրացուցիչ կպահանջվի 253 մլն դրամ:
6. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ
Նախագիծը բխում է Հայաստանի վերափոխման ռազմավարություն 2050-ի գործողության 4-րդ և 5-րդ կետերից, Հայաստանի Հանրապետության կառավարության 2021 թվականի նոյեմբերի 18-ի N 1902-Լ որոշման հավելված 1-ի «Առողջապահության նախարարություն» բաժնի 10.1 կետ:
Discussed
06.02.2024 - 21.02.2024
Type
Decision
Area
Healthcare
Ministry
Ministry of Healthcare
Views 1337
Print07.02.2024
Ցանկալի է, եթե ոչ անհրաժեշտ, քննարկման ներկայացնել ոչ թե, կա, ոչ միայն, ծրագիրը (ինչին է ուղղված, վիճակագրություն․․․), այլև այն կոնկրետ քայլերը կամ ալգորիթմը, որով պիտի շարժվի առաողջապահական համակարգը նշված նպատակներին հասնելու համար: Եթե կան այդ քայլերի ցանկը, նկարագիրը, ապա դրանք դրեք քննարկման: Հաճույքով կուսումնասիրեմ և գուցե տրամաբանական առաջարկ կարողանամ տալ: Շնորհակալություն: Հարգանքով