Add to favourites

The draft has been accepted

«Հայաստանի Հանրապետության հանրային ծառայությունները կարգավորող հանձնաժողովի 2021 թվականի դեկտեմբերի 22-ի N465-Ն որոշման մեջ լրացում և փոփոխություն կատարելու մասին» ՀՀ հանրային ծառայությունները կարգավորող հանձնաժողովի որոշման նախագիծ

ՀԻՄՆԱՎՈՐՈՒՄ

«Հայաստանի Հանրապետության հանրային ծառայությունները կարգավորող հանձնաժողովի 2021 թվականի դեկտեմբերի 22-ի N465-Ն որոշման մեջ լրացում և փոփոխություն կատարելու մասին» ՀՀ հանրային ծառայությունները կարգավորող հանձնաժողովի որոշման նախագծի վերաբերյալ

 

  1. Ընթացիկ իրավիճակը և իրավական ակտի ընդունման անհրաժեշտությունը

 

ՀՀ հանրային ծառայությունները կարգավորող հանձնաժողովի 2021 թվականի դեկտեմբերի 22-ի «Հանրային էլեկտրոնային հաղորդակցության ցանցերով չարտոնված կանչերի իրականացումը բացառելու մասին» №465-Ն որոշմամբ սահմանված կարգավորումների համաձայն՝ հեռախոսակապի ծառայություններ մատուցող օպերատորները պետք է մինչև 2022 թվականի մարտի 1-ը հանձնաժողովի համաձայնեցմանը ներկայացնեին նշված որոշմամբ նախատեսված չարտոնված կանչերի կանխարգելման համակարգերի տեխնիկական նախագծերը (նկարագրերը) և համաձայնություն ստանալուց հետո մինչև 2022 թվականի դեկտեմբերի 31-ը ապահովեն հիշյալ որոշմամբ նախատեսված՝ չարտոնված կանչերի կանխարգելման համակարգի գործարկումը։

Նկատի ունենալով, որ նշված կարգավորումներն ըստ էության վերաբերում են տվյալ իրավական ակտի ընդունման պահին արդեն իսկ գործունեություն իրականացնող հեռախոսակապի օպերատորներին, անհրաժեշտություն է առաջացել լրամշակել հանձնաժողովի նշված որոշումը համապատասխան պարտավորություններ նախատեսելով նաև այդ որոշման ընդունումից հետո հեռախոսակապի ծառայությունների մատուցում սկսած օպերատորների համար։

Հաշվի առնելով վերոնշյալ հանգամանքը, հանձնաժողովը մշակել է «Հայաստանի Հանրապետության հանրային ծառայությունները կարգավորող հանձնաժողովի 2021 թվականի դեկտեմբերի 22-ի №465-Ն որոշման մեջ լրացում և փոփոխություն կատարելու մասին» որոշման նախագիծ։

 

  1. Առաջարկվող կարգավորման բնույթը

    Նախագծով, առաջարկվում չարտոնված կանչերի կանխարգելման համակարգերի գործարկմանն առնչվող համապատասխան պարտավորություններ նախատեսել նաև այդ որոշման ընդունումից հետո հեռախոսակապի ծառայությունների մատուցում սկսած օպերատորների համար։

 

 

  1. Նախագծի մշակման գործընթացում ներգրավված ինստիտուտները և ան­ձինք

          Նախագիծը մշակել է ՀՀ հանրային ծառայությունները կարգավորող հանձնաժողովը՝ քննարկելով այն ՀՀ բարձր տեխնոլոգիական արդյունաբերության նախարարության և ՀՀ ազգային անվտանգության ծառայության հետ:

 

  1. Ակնկալվող արդյունքը

    Նախագծի ընդունմամբ չարտոնված կանչերի կանխարգելման համակարգերի գործարկմանն առնչվող համապատասխան պարտավորություններ կնախատեսվի նաև այդ որոշման ընդունումից հետո հեռախոսակապի ծառայությունների մատուցում սկսած (սկսող) օպերատորների համար։

 

  • Discussed

    17.11.2022 - 04.12.2022

  • Type

    Decision

  • Area

    Telecommunication(electronic communication)

  • Ministry

    RA Public Services Regulatory Commission

Send a letter to the draft author

Your suggestion will be posted on the site within 10 working days

Cancel

Views 2219

Print