«Հայաստանի Հանրապետության կառավարության մի շարք որոշումներում փոփոխություններ կատարելու մասին» Հայաստանի Հանրապետության կառավարության որոշման նախագիծը

Նախագծի ընդունումը պայմանավորված է թույլատվական փաստաթղթերի ստացման նպատակով հայտատուների կողմից դիմումների ներկայացման և թույլատվական փաստաթղթերի էլեկտրոնային եղանակով ստացման գործընթացի կազմակերպման համար նախատեսված համացանցային կայքի, ինչպես նաև համակարգի անվանման փոփոխության հետ: Մասնավորապես, հաշվի առնելով օգտվողների հարմարավետությունը, շահագրգիռ մարմիններից ստացված առաջարկները` համակարգի թեստավորման ընթացքում նպատակահարմար է համարվել թույլատվական փաստաթղթերի տրամադրման համակարգը, որը տեխնիկական փաստաթղթերից անգլերենից թարգմանվել էր «Միասնական հայտ» (Single Application Form), տեղադրել արտաքին տնտեսական գործունեություն իրականացնողների կողմից օգտագործվող` trade.gov.am Հայաստանի Հանրապետության արտաքին առևտրի ազգային մեկ պատուհան հարթակում և անվանել ԱՏԳ շրջանակներում առավել կիրառելի «Թույլատվական փաստաթղթեր» եզրույթով, իսկ որպես համակարգի վերջնական գործարկման կայքէջ ընտրվել է sw.gov.am (sw=Single Window):