ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017 ԹՎԱԿԱՆԻ ՄԱՅԻՍԻ 4-Ի N 526-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

1.

Անհրաժեշտությունը

Նախագծի մշակումը պայմանավորված է «Գնումների մասին» օրենքում 21.03.2021թ. N ՀՕ-79-Ն օրենքով կատարված լրացումների արդյունքում պայմանագրի կատարման և կառավարման շրջանակում հանրային հսկողության իրականացման հնարավորության ապահովման և դրա կիրառման գործընթացի հետ կապված կարգավորումներ սահմանելու անհրաժեշտությամբ:

2.

Ընթացիկ իրավիճակը և խնդիրները

 «Գնումների մասին» օրենքում 21.03.2021թ. N ՀՕ-79-Ն օրենքով կատարված լրացումներով սահմանելվել է, որ ՀՀ կառավարության կողմից հաստատվող գնումների պլանավորման, գնման առարկայի բնութագրերի հաստատման, գնումների նախնական հսկողության, պայմանագրերի կատարման, կառավարման և ֆինանսավորման կարգով պետք է սահմանվեն կարգավորումներ նաև պայմանագրի կատարման և կառավարման շրջանակում հանրային հսկողության իրականացման հնարավորության ապահովման և դրա կիրառման գործընթացի վերաբերյալ: Իսկ նշված խնդրի լուծմանը ներկլայացվող պահանջները սահմանվել են նշված օրենի 5.1 հոդվածով:

Նախագծով սահմանվում են պայմանագրի կատարման և կառավարման շրջանակում հանրային հսկողության իրականացման գործընթացը կարգավորող պայմանները:

3.

Տվյալ բնագավառում իրականացվող քաղաքականությունը

Հանրային հսկողության իրականացման գործընթացը կարգավորող պայմանների սահմանման միջոցով հնարավորինս նվազեցնել պայմանագրերի կատարման նկատմամբ նախնական հսկողության գործընթացի պատշաճ չիրականացման ռիսկերը:

4.

Կարգավորման նպատակը և բնույթը

Նախագծով առաջարկվող կարգավորումների սահմանումը նպատակ է հետապնդում հնարավորինս նվազեցնել պայմանագրերի կատարման նկատմամբ նախնական հսկողության գործընթացի պատշաճ չիրականացման ռիսկերը:

5.

Նախագծի մշակման գործընթացում ներգրավված ինստիտուտները և ան­ձիք

Նախագիծը մշակվել է ՀՀ ֆինանսների նախարարության կողմից:

6.

Ակնկալվող արդյունքը

Գնման գործընթացների շրջանակում կնքված պայմանագրերի կատարման նկատմամբ հանրային հսկողության իրականացման հնարավորության ապահովում:

7․

Տեղեկատվություն նախագծի ընդունմամբ այլ իրավական ակտերի ընդունման անհրաժեշտության կամ բացակայության մասին

Նախագծի ընդունմամբ այլ իրավական ակտերում փոփոխություններ կամ լրացումներ կատարելու անհրաժեշտություն չի առաջանում:

8․

Տեղեկատվություն՝ լրացուցիչ ֆինանսական միջոցների անհրաժեշտության և պետական կամ տեղական ինքնակառավարման մարմնի բյուջեի եկամուտներում և ծախսերում սպասվելիք փոփոխությունների մասին

Նախագծի ընդունմամբ պետական կամ տեղական ինքնակառավարման մարմնի բյուջեում ծախսերի և եկամուտների էական ավելացում կամ նվազեցում չի նախատեսվում: