Add to favourites

«Կեղտաջրերի հեռացման բնագավառի զարգացման հայեցակարգը հաստատելու մասին» ՀՀ կառավարության որոշում

ՀԻՄՆԱՎՈՐՈՒՄ

<<Կեղտաջրերի հեռացման բնագավառի զարգացման հայեցակարգը հաստատելու մասին>> Հայաստանի Հանրապետության կառավարության որոշման նախագծի ընդունման անհրաժեշտության

 

  1. Անհրաժեշտությունը` Կեղտաջրերի հեռացման բնագավառի զարգացման հայեցակարգը մշակվել է ի կատարումն ՀՀ կառավարության 2019 թվականի մայիսի 16-ի N 650-Լ որոշման N1 հավելվածի 138.3 կետի պահանջների: Հայեցակարգի մշակումը պայմանավորված է հանրապետության բնակավայրերի ջրահեռացման (կեղտաջրերի հեռացման) և կեղտաջրերի մաքրման խնդիրների լուծման անհրաժեշտությամբ:
  2. Ընթացիկ իրավիճակը և խնդիրները` Կեղտաջրերի հեռացման և մաքրման բնագավառն առաջնային չի համարվել և համարժեքորեն չի ֆինանսավորվել: Վիճակը հատկապես անբավարար է <<Վեոլիա Ջուր>> ՓԲԸ-ի կողմից չսպասարկվող բնակավայրերում՝ առաջացնելով առողջապահական և բնապահպանական խնդիրներ: Ստեղծված իրավիճակի փոփոխման, կեղտաջրերի հեռացման և մաքրման բնագավառի բարելավման նպատակով անհրաժեշտ է մշակել և իրականացնել համալիր միջոցառումներ, այդ թվում բնագավառի կառավարման, ինստիտուցիոնալ, իրավական հարցերի կարգավորման, ներդրումների ներգրավման, ինչպես նաև արդի տեխնոլոգիաների և մեխանիզմների կիրառման ուղղությամբ:
  3. Տվյալ բնագավառում իրականացվող քաղաքականությունը՝ ապահովել կայուն, անխափան, հուսալի և հասանելի ջրահեռացում և կեղտաջրերի ամբողջական մաքրում, համակարգերի արդյունավետ կառավարում:
  4. Կարգավորման նպատակը և բնույթը` Հայեցակարգի նպատակն է բնագավառի բարելավումն ու արդիականացումը՝ մատուցվող ծառայությունների  որակի բարձրացումը և հասանելիության ապահովումը, առողջապահական և բնապահպանական համապատասխան խնդիրների լուծմանն աջակցությունը:
  5. Նախագծի մշակման գործընթացում ներգրավված ինստիտուտները` ՀՀ կառավարության որոշման նախագիծը մշակվել է ՀՀ տարածքային կառավարման և ենթակառուցվածքների նախարարության ջրային կոմիտեի կողմից:
  6. Ակնկալվող արդյունքը` Հայեցակարգի դրույթները պետք է հիմք հանդիսանան բնագավառի հիմնախնդիրների ամբողջական լուծման, գործող և նախատեսվող համակարգերի արդյունավետ կառավարման համար:
  • Discussed

    31.10.2019 - 15.11.2019

  • Type

    Decision

  • Area

    Territorial administration and development

  • Ministry

    Ministry of Territorial Administration and Infrastructure

Send a letter to the draft author

Your suggestion will be posted on the site within 10 working days

Cancel

Views 6238

Print