Добавить в избранное

««ՀԱՅՐԵՆԱԿԱՆ ՄԵԾ ՊԱՏԵՐԱԶՄԻ ՎԵՏԵՐԱՆՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀՀ ՕՐԵՆՔԻ ՆԱԽԱԳԻԾ

Все рекомендации по содержанию проекта включаются в кратком содержании,онлайн письма - в течении 2 рабочих дней, эл. письма - в течении 10 рабочих дней

Номер	Автор предложения, дата получения	Статус	Содержание предложения	Прикрепленные файлы	Заключение	Article
	1	2	3	4	5	6
1	Գևորգ Մալխասյան 20.08.2019 14:24:09		1-ին հոդվածը չի բխում «Նորմատիվ իրավական ակտերի մասին» ՀՀ օրենքով նախատեսված իրավական ակտերում փոփոխություններ կատարելու սահմանված կարգին: 1.1-ին հոդվածի համարակալումները չեն բխում «Նորմատիվ իրավական ակտերի մասին» ՀՀ օրենքով նախատեսված իրավական ակտերի համարակալումների համար սահմանված կարգին: 1.1-ին հոդվածի 1-ին պարբերության վերաբերյալ հայտնում ենք, որ որևէ անձ պարտավոր չէ անվճար տրանսպորտային ծառայություններ մատուցել: Այս առումով նորից հայտնում ե, որ նշված սկզբունքն արդեն 20 տարի չի կիրառվում ՀՀ-ում: Արտոնությունների փոխարեն անձանց վճարում են տրանսպորտային ծախսերի փոխհատուցման գումարներ ՀՀ պետական բյուջեի միջոցների հաշվին: Նույնը վերաբերվում է զեղջով դեղեր գնելու իրավունքին:		1. Առաջարկությունն ընդունվել է. Հոդված 1.1-ի համարակալումն ուղղվել է և այն համապատասխանեցվել է «Նորմատիվ իրավական ակտերի մասին» ՀՀ օրենքով նախատեսված՝ իրավական ակտերի համարակալումների համար սահմանված կարգին: 2. Ներկա դրությամբ տրանսպորտային սպասարկման արտոնությունը գործում է որոշակի սոցիալական խմբերի համար, մասնավորապես՝ 1-ին և 2-րդ խմբերի հաշմանդամություն ունեցող անձինք, բռնադատվածները, Հայրենական մեծ պատերազմի մասնակիցները, զինծառայողները, ծերանոցների և մանկատների խնամվողներն անվճար օգտվում են պետական ընդհանուր օգտագործման ներքաղաքային ուղևորատար տրանսպորտից (բացառությամբ՝ միկրոավտոբուսների և մարդատար տաքսի ավտոմեքենաների), ինչպես նաև Երևանի մետրոպոլիտենից՝ տրանսպորպորտով անվճար երթևեկելու վկայականով, որը տրամադրում է Տարածքային կառավարման և ենթակառուցվածքների նախարարությունը (նախկինում՝ Տրանսպորտի և կապի նախարարությունը):