ՀԱՅԱUՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2017 ԹՎԱԿԱՆԻ ՄԱՅԻՍԻ 6-Ի N 413-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

«ՀԱՅԱUՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2017 ԹՎԱԿԱՆԻ ՄԱՅԻՍԻ 6-Ի N413-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱUԻՆ»

ՎԱՐՉԱՊԵՏԻ ՈՐՈՇՄԱՆ

1. Ընթացիկ իրավիճակը և իրավական ակտի ընդունման անհրաժեշտությունը

         «Հայաuտանի Հանրապետության վարչապետի 2017 թվականի մայիսի 6-ի «Արարատյան դաշտի ջրային ռեսուրսների արդյունավետ կառավարման միջոցառումների ծրագիրը հաստատելու մասին» N413-Ն որոշման հավելվածի 20-րդ կետով նախատեսված է «Հարկային օրենսգրքում փոփոխություններ» միջոցառումը: Նշված կետի իրականացումը ենթադրում է ջրային ռեսուրսների օգտագործման և երկրորդային ջրօգտագործման համար բնօգտագործման վճարի դրույքաչափեր, ջրօգտագործման թույլտվությամբ սահմանված ծավալի և ջրախնայողության խթանիչ համակարգի սահմանում: Կատարման ժամկետ է սահմանված 2018 թվականի 3-րդ եռամսյակը:

         Միաժամանակ, 2018 թվականի մայիսի 29-ի «Հայաստանի Հանրապետության ջրային օրենսգրքում փոփոխություններ և լրացումներ կատարելու մասին» Հայաստանի Հանրապետության օրենքի կիրարկումն ապահովող միջոցառումների ցանկը հաստատելու մասին» ՀՀ վարչապետի N589-Ն որոշմամբ հաստատված հավելվածի 2-րդ կետով նախատեսված է «Հարկային օրենսգրքում փոփոխություններ կատարելու մասին» ՀՀ օրենքի նախագիծը ՀՀ կառավարության աշխատակազմ ներկայացնելը» միջոցառումը, որի կատարման ժամկետը, համաձայն 2018 թվականի մարտի 2-ին ընդունված «Հայաստանի Հանրապետության ջրային օրենսգրքում փոփոխություններ և լրացումներ կատարելու մասին» ՀՀ օրենքի (ՀՕ-126-Ն)  13-րդ հոդվածի 6-րդ մասի 6-րդ կետի, սահմանված է 2020 թվականի հունիսի 3-րդ տասնօրյակը:

2. Առաջարկվող կարգավորման բնույթը

         Որոշման նախագծով առաջարկվում է 2017 թվականի մայիսի 6-ի «Արարատյան դաշտի ջրային ռեսուրսների արդյունավետ կառավարման միջոցառումների ծրագիրը հաստատելու մասին» N413-Ն որոշման հավելվածում ուժը կորցրած ճանաչել 20-րդ կետը։

3. Նախագծի մշակման գործընթացում ներգրավված ինստիտուտները, անձինք

  Նախագիծը մշակվել է բնապահպանության նախարարության կողմից։

      4. Ակնկալվող արդյունքը

         Նախագծի ընդունմամբ նախատեսվում է իրավական կարգավորման տեսանկյունից ապահովել միասնական մոտեցում:

ՏԵՂԵԿԱՆՔ

Նախագծի ընդունման առնչությամբ ընդունվելիք այլ իրավական ակտերի նախագծերը կամ դրանց ընդունման անհրաժեշտության բացակայության մասին  

«Հայաuտանի Հանրապետության վարչապետի 2017 թվականի մայիսի 6-Ի N413-Ն որոշման մեջ փոփոխություն կատարելու մաuին» վարչապետի որոշման նախագծի ընդունման առնչությամբ այլ իրավական ակտերում փոփոխություններ և/կամ լրացումներ կատարելու անհրաժեշտություն չկա:

ՏԵՂԵԿԱՆՔ

Իրավական ակտն ընդունելու կապակցությամբ պետական բյուջեում կամ տեղական ինքնակառավարման մարմինների բյուջեներում ծախսերի և եկամուտների էական ավելացումների կամ նվազեցումների մասին

«Հայաuտանի Հանրապետության վարչապետի 2017 թվականի մայիսի 6-Ի N413-Ն որոշման մեջ փոփոխություն կատարելու մաuին» վարչապետի որոշման նախագծի ընդունման կապակցությամբ Հայաստանի Հանրապետության պետական բյուջեում ծախսերի և եկամուտների ավելացումներ կամ նվազեցումներ չեն նախատեսվում: