Հիշել նախագիծը

Նախագիծը ընդունվել է

«Դարդան» սահմանափակ պատասխանատվության ընկերությանը տրամադրված վարկի մարման ժամկետները հետաձգելու մասին» ՀՀ կառավարության որոշման նախագիծ

Հ Ի Մ Ն Ա Վ Ո Ր ՈՒ Մ

«ԴԱՐԴԱՆ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՆ ԸՆԿԵՐՈՒԹՅԱՆԸ ՏՐԱՄԱԴՐՎԱԾ ՎԱՐԿԻ ՄԱՐՄԱՆ ԺԱՄԿԵՏՆԵՐԸ ՀԵՏԱՁԳԵԼՈՒ ՄԱՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ

 

  1. Իրավական ակտի ընդունման անհրաժեշտությունը (նպատակը).

«Դարդան» սահմանափակ պատասխանատվության ընկերությանը տրամադրված վարկի մարման ժամկետները հետաձգելու մասին Հայաստանի Հանրապետության կառավարության որոշման նախագծի ընդունումը պայմանավորված է ՀՀ վարչապետի 19.10.2016թ. թիվ 01/11-3/23989-16 և 01.12.2016թ. թիվ 02/23.22/19654-16 հանձնարարականներով:

  1. Ընթացիկ իրավիճակը և խնդիրները.

Ընկերության կողմից ստանձնած պարտավորությունների ոչ պատշաճ կատարման արդյունքում ՀՀ ֆինանսների նախարարության կողմից հայցադիմում է ներկայացվել ՀՀ Արմավիրի մարզի ընդհանուր իրավասության դատարան՝ գումարի բռնագանձման պահանջի մասին: Այնուհետև, ներկայացվել է դիմում՝ Ընկերությանը սնանկ ճանաչելու պահանջի մասին:

Ընկերությանը տրամադրված վարկի մարման ժամկետները հետաձգելու մասին Հայաստանի Հանրապետության կառավարության որոշման նախագծի ընդունմամբ Ընկերությանը հնարավորություն է ընձեռնվում ամբողջությամբ մարելու Հայաստանի Հանրապետության նկատմամբ ստանձնած վարկային պարտավորությունները, որի արդյունքում Ընկերությանը հնարավորություն կընձեռնվի անցնելու իր բնականոն աշխատանքին և կպահպանվի ՀՀ քաղաքացիների համար աշխատատեղեր:

  1. Նախագծի մշակման գործընթացում ներգրավված ինստիտուտները և անձինք.

Իրավական ակտի նախագիծը մշակվել է Հայաստանի Հանրապետության ֆինանսների նախարարության աշխատակազմի իրավաբանական վարչության կողմից:

  1. Ակնկալվող արդյունքը.

«Դարդան» սահմանափակ պատասխանատվության Ընկերությանը տրամադրված վարկի մարման ժամկետները հետաձգելու մասին Հայաստանի Հանրապետության կառավարության որոշման նախագծի ընդունման արդյունքում ակնկալվում է ՀՀ պետական բյուջեի մուտքերի ապահովվում:


  • Քննարկվել է

    23.02.2017 - 15.03.2017

  • Տեսակ

    Որոշում

  • Ոլորտ

    Ֆինանսական, Տնտեսական

  • Նախարարություն

    Ֆինանսների նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 2720

Տպել