Հիշել նախագիծը

Լրամշակման փուլում է

«Օտարերկրացիների և քաղաքացիություն չունեցող անձանց մասին» օրինագիծը և հարակից օրենքների նախագծեր

«Օտարերկրացիների մասին» Հայաստանի Հանրապետության օրենքի ներկայիս կարագավորումներում առկա են օրենսդրական բացեր, եզրութաբանական անճշտություններ, միջազգային և ազգային օրենսդրության միջև հակասություններ, հետևաբար նոր նախագիծը հնարավորություն կընձեռի կարգավորել նշված օրենսդրական բացերը` Հայաստանի Հանրապետության կողմից ստանձնված միջազգային պարտավորությունները պատշաճ իրականացնելու համար:

  • Քննարկվել է

    05.01.2022 - 20.01.2022

  • Տեսակ

    Օրենք

  • Ոլորտ

    Սահմանադրական և վարչական օրենսդրություն

  • Նախարարություն

    Ոստիկանություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 3508

Տպել

Առաջարկներ`

<<Առաքելություն Հայաստան>> ԲՀԿ

20.01.2022

34-րդ հոդվածի 3-րդ մասի 2-րդ նախադասությունը խմբագրելու անհրաժեշտություն է առաջանում հետևյալ բովանդակությամբ՝ «3. Սույն հոդվածի 1-ին և 2-րդ մասերով նախատեսված դեպքերում Հայաստանի Հանրապետության ոստիկանության բնագավառում լիազորված պետական կառավարման մարմինը իր որոշումները կայացնում է օրենքով սահմանված կարգով հարուցված վարչական վարույթի արդյունքում և ընդունված որոշումը եռօրյա ժամկետում հանձնվում է անձին՝ փոստով: Անձին իրազեկվելով, որ որոշումը իրեն կարող է տրամադրել նաև իրեն հասանելի լեզվով, ապա անձի ցանկությամբ որոշումը ներկայացվում է նաև իրեն հասկանալի այլ լեզվով: 34-րդ հոդվածի 4-րդ մասում անհրաժեշտ է ավելացնել բողոքարկման ժամկետները 44-րդ հոդվածի 1-րն մասի 5-րդ կետը անհրաժեշտ է հանել, քանի որ այն կարող է բերել իրավունքի չարաշահման, քանի որ անձը ամեն օր կարող է դիմում ներկայացնել և ցանկություն հայտնել օգտագործման համար պիտանի փաստաթուղթը փոփոխելու համար։

<<Առաքելություն Հայաստան>> ԲՀԿ

20.01.2022

33-րդ հոդվածի 2-րդ մասն առաջարկվում է խմբագրել հետևյալ բովանդակությամբ՝ «2. Քաղաքացիություն չունեցող անձի կարգավիճակը մերժելու մասին որոշումը կայացվում է գրավոր եղանակով, հայերեն լեզվով, իսկ դիմողին իրազեկվելով, որ որոշումը իրեն կարող է տրամադրել նաև դիմողին հասանելի լեզվով, ապա դիմողի ցանկության դեպքում՝ նաև նրան հասկանալի այլ լեզվով, որում հստակ նշվում են մերժման հիմքը (հիմքերը) և օրենքով սահմանված կարգով որոշումը բողոքարկելու ժամկետի և մերժման իրավական հետևանքների վերաբերյալ տեղեկություններ:»

<<Առաքելություն Հայաստան>> ԲՀԿ

20.01.2022

31-րդ հոդվածի 1-ին մասն առաջարկվում է խմբագրել հետևյալ բովանդակությամբ՝ «1․ Քաղաքացիություն չունեցող անձի կարգավիճակը ճանաչելու մասին որոշումը կայացվում է գրավոր եղանակով, հայերեն լեզվով, իսկ դիմողին իրազեկվելով, որ որոշումը իրեն կարող է տրամադրել նաև իրեն հասանելի լեզվով, ապա դիմողի ցանկության դեպքում՝ նաև նրան հասկանալի այլ լեզվով:»

Տեսնել ավելին